ଡେରାଡୁନ: କୋରୋନା ମହାମାରୀ ମଧ୍ୟରେ ବି ଶ୍ରଦ୍ଧାଳୁଙ୍କ ଭିଡ ଜମୁଛି ଦେବଭୂମିରେ । ଜୁଲାଇ ମାସରୁ ଆରମ୍ଭ ହୋଇଥିବା ଚାରିଧାମ ଯାତ୍ରା ପାଇଁ ବର୍ତ୍ତମାନ ସୁଦ୍ଧା 51,453ଜଣ ଶ୍ରଦ୍ଧାଳୁ ରେଜିଷ୍ଟ୍ରେସନ କରିଛନ୍ତି । ଏଥିସହ ପ୍ରାୟ 30ହଜାର ତୀର୍ଥଯାତ୍ରୀ ଚାରିଧାମ ଦର୍ଶନ କରିସାରିଛନ୍ତି ।
ରବିବାର ସନ୍ଧ୍ୟା ସୁଦ୍ଧା ଉତ୍ତରାଖଣ୍ଡର ଦେବସ୍ଥାନମ ପ୍ରବନ୍ଧନ ବୋର୍ଡର ଓ୍ବେବସାଇଟ www.badrinath-kedarnath.gov.inରୁ 1,046 ଜଣ ଚାରିଧାମ ଯାତ୍ରା ପାଇଁ ଇ-ପାସବୁକ କରିଛନ୍ତି । ସେମାନଙ୍କ ମଧ୍ୟରୁ ବଦ୍ରୀନାଥ ଧାମ ପାଇଁ 244ଜଣ, କେଦାରନାଥ ଧାମ ପାଇଁ 593ଜଣ ଓ ଗଙ୍ଗୋତ୍ରୀ ଧାମ ପାଇଁ 115ଜଣ ଓ ଯମୁନୋତ୍ରୀ ଧାମ ପାଇଁ 94ଜଣ ଇ-ପାସବୁକ କରାଇଛନ୍ତି ।