ଜୟପୁର: ଗେହଲଟଙ୍କ ରାଜ୍ୟ ରାଜସ୍ଥାନରେ କେହି ଭୋକରେ ଶୋଇବେ ନାହିଁ। ଏହି ସଂକଳ୍ପ ନେଇ ଅଶୋକ ଗେହଲଟ ସରକାର ଏକ ଯୋଜନା ଆରମ୍ଭ କରିବାକୁ ଯାଉଛନ୍ତି। ଗୁରୁବାରଠାରୁ ରାଜସ୍ଥାନରେ ଇନ୍ଦିରା ରୋଷଇ ଯୋଜନା ଆରମ୍ଭ ହେବ। ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ଜୟନ୍ତୀ ଅବସରରେ ଏହି ଯୋଜନା ଆରମ୍ଭ କରିବାକୁ ମୁଖ୍ୟମନ୍ତ୍ରୀ ଅଶୋକ ଗେହଲଟ ନିଷ୍ପତ୍ତି ନେଇଛନ୍ତି।
ଏହି ଯୋଜନା ଅନୁସାରେ ଯେକୌଣସି ବ୍ୟକ୍ତି ମାତ୍ର ୮ଟଙ୍କାରେ ପୃଷ୍ଟିକର ଏବଂ ସ୍ବାଦିଷ୍ଟ ଖାଦ୍ୟର ଲାଭ ଉଠାଇପାରିବେ। ରାଜ୍ୟର ୨୧୩ ସହରଗୁଡ଼ିକରେ ୩୫୮ ରୋଷେଆଙ୍କ ମାଧ୍ୟମରେ ଲୋକଙ୍କୁ ବସାଇ ଭୋଜନ କରାଇବାର ବ୍ୟବସ୍ଥା କରାଯିବ। ଏହା ବିଭିନ୍ନ ସହରର ବସ୍ ଷ୍ଟାଣ୍ଡ, ରେଲଓ୍ବେ ଷ୍ଟେସନ ଓ ହସ୍ପିଟାଲ ଭଳି ପ୍ରମୁଖ ସ୍ଥାନରେ ଉପଲବ୍ଧ ରହିବ।