ନୂଆଦିଲ୍ଲୀ:କୋରୋନା ସହ ପୁରା ବିଶ୍ବ ଲଢେଇ କରୁଛି । କୋଭିଡ-19 ର ଭ୍ୟାକ୍ସିନ ପାଇଁ ବିଭିନ୍ନ ଦେଶ ପରୀକ୍ଷଣ ଜାରି ରଖିଛନ୍ତି । ମାତ୍ର ଏଯାବତ ସମ୍ପୂର୍ଣ୍ଣ ସୁଫଳ ମିଳିପାରିନି । ଏହାରି ମଧ୍ୟରେ ବୈଜ୍ଞାନିକ ମାନଙ୍କ ଠାରୁ ଆରମ୍ଭ କରି ସାଧାରଣ ଲୋକେ ସମସ୍ତେ ଆଶାବାଦୀ ଯେ, କୋରୋନା ଭ୍ୟାକ୍ସିନ ଯଥାଶୀଘ୍ର ବାହାରିବ ।
ଦେଶରେ କୋରୋନା ଟିକା ଉପରେ ମାନବ ପରୀକ୍ଷଣ ମଧ୍ୟ ଆରମ୍ଭ ହୋଇଛି । ଅଗଷ୍ଟ 15ରୁ ଟିକା ଉପଲବ୍ଧ ହେବ ବୋଲି ଆଶା କରାଯାଉଛି । ମାତ୍ର ସଂସଦୀୟ କମିଟିକୁ ଦିଆଯାଇଥିବା ସୂଚନା ଅନୁଯାୟୀ, ଆସନ୍ତା ବର୍ଷ 2021 ପୂର୍ବରୁ କୋରୋନା ଭ୍ୟାକ୍ସିନ ସମ୍ଭବ ନୁହେଁ । ଅଧିକାରୀମାନେ ବିଜ୍ଞାନ ଓ ପ୍ରଯୁକ୍ତି ବିଦ୍ୟା ମନ୍ତ୍ରାଳୟ ସହ ଜଡିତ ସଂସଦୀୟ କମିଟିକୁ ଅଧିକାରୀ ମାନେ ଏହି ସୂଚନା ଦେଇଛନ୍ତି ।