ହାଇଦ୍ରାବାଦ: ଏଆଇଏମଆଇଏମ ମୁଖ୍ୟ ତଥା ସାଂସଦ ଅସଦୁଦ୍ଦିନ ଓୱେସୀ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି । ଚଳିତବର୍ଷ ହାଇଦ୍ରାବାଦରେ ହୋଇଥିବା ପ୍ରବଳ ବନ୍ୟା ସମୟରେ କେନ୍ଦ୍ର ସରକାର ସହାୟତା ପ୍ରଦାନ କରିନାହାଁନ୍ତି ବୋଲି କହିଛନ୍ତି । ବିଜେପି ଆଗାମୀ ଗ୍ରେଟର ହାଇଦ୍ରାବାଦ ମ୍ୟୁନିସିପାଲ କର୍ପୋରେସନ (ଜିଏଚଏମସି) ନିର୍ବାଚନକୁ ସାମ୍ପ୍ରଦାୟିକ ରଙ୍ଗ ଦେବାକୁ ଚେଷ୍ଟା କରୁଛି ବୋଲି କହିଛନ୍ତି ।
ହାଇଦ୍ରାବାଦ ବନ୍ୟା ସମୟରେ କେନ୍ଦ୍ର ସରକାର ସହାୟତା କରିନାହାଁନ୍ତି:ଓୱେସୀ
ଏଆଇଏମଆଇଏମ ମୁଖ୍ୟ ତଥା ସାଂସଦ ଅସଦୁଦ୍ଦିନ ଓୱେସୀ କେନ୍ଦ୍ର ସରକାରଙ୍କ ଉପରେ ବର୍ଷିଛନ୍ତି । ଚଳିତବର୍ଷ ହାଇଦ୍ରାବାଦରେ ହୋଇଥିବା ପ୍ରବଳ ବନ୍ୟା ସମୟରେ କେନ୍ଦ୍ର ସରକାର ସହାୟତା ପ୍ରଦାନ କରିନାହାଁନ୍ତି ବୋଲି କହିଛନ୍ତି । ଅଧିକ ପଢନ୍ତୁ...
ହାଇଦ୍ରାବାଦ ବନ୍ୟା ସମୟରେ କେନ୍ଦ୍ର ସରକାର ସହାୟତା କରିନାହାଁନ୍ତି:ଓୱେସୀ
ଏଆଇଏମଆଇଏମ ବର୍ଷର ସବୁସମୟରେ ତେଲେଙ୍ଗାନାର ଲୋକଙ୍କ ପାଇଁ କାମ କରୁଛି । । ଯଦି ଆପଣ ରାତିରେ ଜଣେ ବିଜେପି ନେତାଙ୍କୁ କିଛି କାମ ପାଇଁ କହିବେ, ତେବେ ସେମାନେ ଓୱେସିଙ୍କୁ କହିବେ । ଏହା ପରେ ସେମାନେ ମୋତେ ଦେଶଦ୍ରୋହୀ, ଆତଙ୍କବାଦ ଏବଂ ଶେଷରେ ପାକିସ୍ତାନ ବୋଲ ଆକ୍ଷେପ କରିବେ ବୋଲି କହିଛନ୍ତି । ସେହିପରି କେନ୍ଦ୍ର ସରକାର ହାଇଦ୍ରାବାଦରେ ପ୍ରବଳ ବନ୍ୟା ସମୟରେ କେଉଁ ଆର୍ଥିକ ସହାୟତା ପ୍ରଦାନ କରିଛନ୍ତି ତାହା ବିଜେପି କହିବା ଉଚିତ ।
ସେହିପରି 'ଲଭ ଜିହାଦ୍' ବିରୋଧରେ ଆଇନ ଉପରେ ମନ୍ତବ୍ୟ ଦେଇ ଏଆଇଏମ୍ଆଇଏମ୍ ମୁଖ୍ୟ କହିଛନ୍ତି ଯେ ଏହା ସମ୍ବିଧାନର ଧାରା 14 ଏବଂ 21 ର ଏକ ଚରମ ଉଲ୍ଲଂଘନ କରାଯାଉଛି । ସେମାନେ ସମ୍ବିଧାନ ଅଧ୍ୟୟନ କରିବା ଉଚିତ୍ । ଦେଶରେ ବେରୋଜଗାରର ଶିକାର ହୋଇଥିବା ଯୁବକମାନଙ୍କୁ ବିଭ୍ରାନ୍ତ କରିବା ପାଇଁ ବିଜେପି ଡ୍ରାମା କରୁଛି ବୋଲି କହିଛନ୍ତି । ସୂଚନା ଥାଉକି ଗ୍ରେଟର ହାଇଦ୍ରାବାଦ ମ୍ୟୁନିସିପାଲ କର୍ପୋରେସନ (ଜିଏଚଏମସି) ନିର୍ବାଚନ ଡିସେମ୍ବର 1 ରେ ଅନୁଷ୍ଠିତ ହେବ । ଏହାପରେ ଡିସେମ୍ବର 4 ରେ ଭୋଟ ଫଳାଫଳ ଘୋଷଣା କରାଯିବ ।