ହାଇଦ୍ରାବାଦ: ପୁଣି ଅଡୁଆରେ ଏଆଇଏମଆଇଏମ ବିଧାୟକ ଆକବରୁଦ୍ଦିନ ଓୱେଶୀ । ଭୀଡ ଜନିତ ହିଂସା ସମ୍ପର୍କରେ ଉତ୍ତେଜକ ଭାଷଣ ଦେବା ଅଭିଯୋଗରେ ତେଲେଙ୍ଗାନାର କରୀମନଗର ଜିଲ୍ଲାର ଏକ ଥାନାରେ ମାମଲା ରୁଜୁ କରାଯାଇଛି ।
ଆକବରୁଦ୍ଦିନ୍ ଓୱେଶୀଙ୍କ ବିରୋଧରେ ମାମଲା ରୁଜୁ - aimim mla akbaruddin owaisi
ଭୀଡ ହିଂସା ସମ୍ପର୍କରେ ଉତ୍ତେଜକ ଭାଷଣ ଦେଇ ଲୋକଙ୍କୁ ଉସ୍ କାଇବା ମାମଲାରେ ଏଆଇଏମଆଇଏମର ବିଧାୟକ ଆକବରୁଦ୍ଦିନ ଓୱେଶୀଙ୍କ ବିରୋଧରେ ତେଲେଙ୍ଗାନାର କରୀମନଗର ଜିଲ୍ଲାର ଏକ ଥାନାରେ ମାମଲା ରୁଜୁ କରାଯାଇଛି।
ଫାଇଲ ଫଟୋ
ଗତ 23 ଜୁଲାଇରେ ଅଲ ଇଣ୍ଡିଆ ମଜଲିଶ-ଇ-ଇତୋଦୁହଲ ମୁସଲିମିନର (ଏଆଇଏମଆଇଏମ) ମୁଖ୍ୟ ଅସାଦୁଦ୍ଦିନ୍ ଓୱେଶୀଙ୍କ ଭାଇ ଅକବରୁଦ୍ଦିନ ଓୱେଶୀ କରିମନଗରରେ ଆୟୋଜିତ ଏକ ସଭାକୁ ସମ୍ବୋଧିତ କରିବାକୁ ଯାଇ ଭିଡ ହିଂସା ସମ୍ପର୍କରେ ଉତ୍ତେଜକ ଭାଷଣ ଦେଇ ଲୋକଙ୍କୁ ଉସ କାଇଥିବା ନେଇ ଅଭିଯୋଗ ହୋଇଥିଲା ।
ଏହାପରେ ତାଙ୍କ ବିରୋଧରେ ମାମଲା ରୁଜୁ କରିବାକୁ ପୋଲିସ ମନା କରିଦଇଥିଲେ। ଜଣେ ଓକିଲ କରୀମନଗର କୋର୍ଟରେ ତାଙ୍କ ବିରୋଧରେ ମାମଲା ରୁଜୁ କରିବାକୁ ଆବେଦନ କରିଥିଲେ । କୋର୍ଟଙ୍କ ଅନୁମତି ମିଳିବା ପରେ ସମସ୍ତ ତଥ୍ୟ ପ୍ରମାଣ ଆଧାରରେ ଅକବରୁଦ୍ଦିନ୍ ବିରୋଧରେ ମାମଲା ରୁଜୁ କରାଯାଇଥିଲା।