ତେଲେଙ୍ଗାନା: ଭାରସାମ୍ୟ ହରାଇ ଲରୀକୁ ଧକ୍କା ଦେଲା କାର। ଏହି ଦୁର୍ଘଟଣାରେ 4 ମୃତ, ଜଣେ ଆହତ । ଏହି ଘଟଣାଟି ତେଲେଙ୍ଗାନାର କାମାରେଡ୍ଡୀ ଅଞ୍ଚଳରେ ଘଟିଛି । ତେବେ ଦୁର୍ଘଟଣାରେ ପ୍ରାଣ ହରାଇଥିବା ସମସ୍ତ ବ୍ୟକ୍ତି ଗୋଟିଏ ପରିବାରର।
ଦେବ ଦର୍ଶନ ହେଲା ଶେଷ ଦର୍ଶନ, ଦୁର୍ଘଟଣାରେ ପରିବାରର 4 ମୃତ - injured
ଲରୀକୁ ଧକ୍କା ଦେଲା କାର । ଦୁର୍ଘଟଣାରେ ଗୋଟିଏ ପରିବାରର 4 ମୃତ । ମନ୍ଦିର ଦର୍ଶନ ପାଇଁ ଯାଉଥିବା ସମୟରେ ଏହି ଅଘଟଣଟି ଘଟିଯାଇଛି।
ଫାଇଲ ଫଟୋ
ଖବର ଅନୁଯାୟୀ, ହାଇଦ୍ରାବାଦର ଗୋଟିଏ ପରିବାରର 5 ଜଣ ସଦସ୍ୟ କାର ଯୋଗେଁ ବାସରା ମନ୍ଦିର ଦର୍ଶନ ପାଇଁ ଯାଉଥିଲେ। ଏହି ସମୟରେ ଡ୍ରାଇଭର ଜଣକ ଭାରସାମ୍ୟ ହରାଇ ଗାଡିଟିକୁ ଡିଭାଇଡରେ ପିଟି ଦେଇଥିଲେ। ସେପଟେ ଗାଡିଟି ଅନ୍ୟପଟକୁ ଗତି କରିବା ସହ ବିପରୀତ ଦିଗରୁ ଆସୁଥିବା ଫର୍ଟିଲାଇଜର ଲରୀକୁ ଧକ୍କା ଦେଇଥିବା ସୂଚନା ମିଳିଛି ।
ପୋଲିସର କହିବା ଅନୁସାରେ ଲରୀଟି ନିଜାମବାଦରୁ ହାଇଦ୍ରାବାଦ ଅଭିମୁଖେ ଆସୁଥିଲା । କାର ଧକ୍କା ଦେବା ଫଳରେ ଲରୀଟି ରାସ୍ତାରେ ଜଳି ଉଠିଥିଲା। କିନ୍ତୁ ଡ୍ରାଇଭର ଜଣକ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛି । ତେବେ ଆହତ ବ୍ୟକ୍ତି ଜଣଙ୍କୁ ସରକାରୀ ମେଡିକାଲ ସ୍ଥାନାନ୍ତର କରାଯାଇଥିବା ବେଳେ ମୃତକଙ୍କ ଶବ ବ୍ୟବଚ୍ଛେଦ ପାଇଁ ପଠାଯାଇଛି । ଘଟଣାରେ ପୋଲିସ ଏକ ମାମଲା
ରୁଜୁ କରିବା ସହ ଅଧିକ ତଦନ୍ତ ଜାରି ରଖିଛି ।