ଗାନ୍ଧୀନଗର: ତନିଷ୍କ ବ୍ରାଣ୍ଡର ବିଜ୍ଞାପନ ପ୍ରସାରିତ ହେବା ପରେ ବର୍ତ୍ତମାନ ଏହା ବିବାଦ ଘେରରେ । ଏ ମଧ୍ୟରେ କଚ୍ଛର ଗାନ୍ଧୀଧାମରେ ଥିବା ତନିଷ୍କ ଶୋ ରୁମରେ ଭଙ୍ଗାରୁଜା ହୋଇଥିବା ଖବର ପ୍ରଚାରିତ ହୋଇଥିଲା । ତେବେ ଏହା କେବଳ ଗୁଜବ ବୋଲି ପୋଲିସ ତଦନ୍ତ ପରେ ସ୍ପଷ୍ଟ କରିଛି ।
ବୁଧବାର ଗାନ୍ଧୀଧାମ ତନିଷ୍କ ଶୋ ରୁମରେ ହୋଇଥିବା ଆକ୍ରମଣ ଏବଂ ଭଙ୍ଗାରୁଜା ଖବର ସୋସିଆଲ ମିଡିଆରେ ପ୍ରସାରିତ ହୋଇଥିଲା । ଏକ ଭିଡିଓ ମଧ୍ୟ ଲିକ୍ ହୋଇଛି। ଗାନ୍ଧୀଧାମ ଏସପି ମୟୂର ପାଟିଲ ଗଣମାଧ୍ୟମକୁ କହିଛନ୍ତି ଯେ ଶୋ ରୁମ ଆକ୍ରମଣ କିମ୍ବା ଡକାୟତି ସତ ନୁହେଁ । ଏହା କେବଳ ଏକ ଗୁଜବ ।