ଚେନ୍ନାଇ: ତାମିଲନାଡୁର ନାଗାପଟ୍ଟିନମ ଜିଲ୍ଲାର ଭେଲାନକାନି ସହରରେ ବେଆଇନ ଭାବେ ଦେଶି ମଦ ଉତ୍ପାଦନ କରୁଥିବା ଜଣେ ବ୍ୟକ୍ତି ତାଙ୍କର ଏହି କାର୍ଯ୍ୟର ଭିଡିଓ ପ୍ରସ୍ତୁତ କରି ଟିକଟକ ଭଳି ଏକ ଜନସାଧାରଣ ବ୍ୟବହାରକାରୀ ସୋସିଆଲ ଆପରେ ଅପଲୋଡ କରିଛନ୍ତି । ଯାହାକୁ ଆଧାର କରି ସୋମବାର ଉକ୍ତ ବ୍ୟକ୍ତିଙ୍କୁ ଗିରଫ କରିଛି ପୋଲିସ ।
ଟିକଟକରେ ବେଆଇନ ମଦ ପ୍ରସ୍ତୁତ କରୁଥିବା ଭିଡିଓ ଅପଲୋଡ କରି ଜଣେ ଗିରଫ
ପୋଇଗାଇନାଲୁରର ବାସିନ୍ଦା ପୁଞ୍ଛୁଲାଇ, ତାମିଲସେଲଭାନ୍ ନାମରେ ମଧ୍ୟ ପରିଚିତ । ସେ ତାଙ୍କ ବାସଭବନର ପଛପଟରେ ମଦ ପ୍ରସ୍ତୁତ କରିବା ପାଇଁ ସମ୍ପୂର୍ଣ୍ଣ ବ୍ୟବସ୍ଥା କରିଥିଲେ। ହେଲେ ଏ ସମ୍ପର୍କରେ ପୋଲିସକୁ କୌଣସି ସୂଚନା ମିଳିନଥିବାବେଳେ, ସେ ଏହି ବେଆଇନ ମଦ ତିଆରି କରୁଥିବା କାର୍ଯ୍ୟକୁ ଟିକଟକ ଭିଡିଓରେ ଅପଲୋଡ କରିବା ପରେ ଏକ ପୋଲିସ ଜାଣିପାରି ତାଙ୍କୁ ଗିରଫ କରିଛି । ଘଟଣାସ୍ଥଳରୁ ମଦ ତିଆରିରେ ପାଇଁ ବ୍ୟବହୃତ ପାତ୍ର ଏବଂ ଅନ୍ୟାନ୍ୟ ସାମଗ୍ରୀ ପୋଲିସ ଜବତ କରିଛି ।