ସୁଶାନ୍ତ ସିଂ ଆତ୍ମହତ୍ୟା ମାମଲା: ରିଆଙ୍କ ଭାଇ ଗିରଫ

ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ମାମଲାରେ ଡ୍ରଗ୍ସ କନେକସନକୁ ନେଇ ଏନସିବି ରିଆଙ୍କ ଭାଇ ଶୌଭିକ ଚକ୍ରବର୍ତ୍ତୀ ଏବଂ ସାମୁଏଲ ମିରାଣ୍ଡାଙ୍କୁ ଏନସିବି ଗିରଫ କରିଛି ।

ମୁମ୍ବାଇ: ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ମାମଲାରେ ଡ୍ରଗ୍ସ କନେକସନକୁ ନେଇ ଏନସିବି ରିଆଙ୍କ ଭାଇ ଶୌଭିକଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଏହି ମାମଲାରେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ଶୌଭିକ ଚକ୍ରବର୍ତ୍ତୀ ଏବଂ ସାମୁଏଲ ମିରାଣ୍ଡାଙ୍କୁ ଗିରଫ କରିଛି ।

ଶୁକ୍ରବାର ଏନସିବି ଟିମ୍ ରିଆ ଚକ୍ରବର୍ତ୍ତୀ, ତାଙ୍କ ଭାଇ ଶୌଭିକ ଚକ୍ରବର୍ତ୍ତୀ ଏବଂ ସାମୁଏଲ ମିରାଣ୍ଡାଙ୍କ ବାସଭବନରେ ଚଢାଉ କରିଥିଲା । ଏହାପରେ ପଚରାଉଚରା ପାଇଁ ରିୟାଙ୍କ ଭାଇଙ୍କୁ ଏନସିବି କାର୍ଯ୍ୟାଳୟକୁ ଅଣାଯାଇଥିଲା । ତାଙ୍କଠାରୁ ଏକ ଡାଏରୀ ମିଳିଛି । ଏହା ବ୍ୟତୀତ ରିଆଙ୍କ ଘରେ ପ୍ରାୟ ଚାରି ଘଣ୍ଟା ଧରି ଚଢାଉ କରାଯାଇଥିଲା। ବ୍ୟୁରୋ କିଛି ଜିନିଷ ମଧ୍ୟ ଜବତ କରିଛି ।

ତେବେ ଏହା ପୂର୍ବରୁ ଶୌଭିକ ଚକ୍ରବର୍ତ୍ତୀଙ୍କୁ ଆଜି ଗିରଫ କରାଯିବ ନାହିଁ ବୋଲି ଏନସିବି କହିଥିଲା। କିନ୍ତୁ ବିଳମ୍ବିତ ରାତିରେ ଏନସିବି ତାଙ୍କୁ ପଚରାଉଚରା ପରେ ଗିରଫ କରିଛି।