ଲକ୍ଷ୍ନୌ: ସପ୍ତଦଶ ଲୋକସଭା ନିର୍ବାଚନର ପଞ୍ଚମ ଚରଣରେ ମେ' 6ରେ ଭୋଟ ଗ୍ରହଣ ହେବ । ମୋଦି ସରକାରଙ୍କୁ ପରାଜୟ କରିବା ପାଇଁ ଦେଶରେ ଗଠନ ହୋଇଥିବା ମହାମେଣ୍ଟ ଉପରେ ବାରମ୍ବାର ପ୍ରଶ୍ନ ଉଠୁଛି, କିଏ ହେବ ପ୍ରଧାନମନ୍ତ୍ରୀ ? ମହାମେଣ୍ଟ ମ୍ୟାଜିକ୍ ନମ୍ବର ହାସଲ କଲେ କିଏ ପ୍ରଧାନମନ୍ତ୍ରୀ ପ୍ରାର୍ଥୀ ହେବ ସେ ପ୍ରଶ୍ନର ଉତ୍ତର ମିଳୁ ନଥିଲା ବେଳେ ଏସ୍ପି ସୁପ୍ରିମୋ ଅଖିଳେଶ ଯାଦବ ମୁହଁ ଖୋଲିଛନ୍ତି । କେନ୍ଦ୍ରରେ ସରକାର କିଏ ଗଢିବ ସେ ନେଇ ଅଖିଳେଶ କହିଛନ୍ତି ଯେ ଏସ୍ପି- ବିଏସ୍ପି ମେଣ୍ଟ ନିର୍ଦ୍ଧାରଣ କରିବ କିଏ ହେବ ଦେଶର ନୂଆ ପ୍ରଧାନମନ୍ତ୍ରୀ ।
ସମାଜବାଦୀ ପାର୍ଟି(ଏସ୍ପି) ସୁପ୍ରିମୋ ଅଖିଳେଶ ଯାଦବ ବିଜେପି କର୍ମକର୍ତ୍ତାଙ୍କୁ ବ୍ୟଙ୍ଗ କରିବା ସହ କହିଛନ୍ତି ଯେ ଯେ ଏସ୍ପି- ବିଏସ୍ପି ମେଣ୍ଟ ହିଁ ଦେଶର ନୂଆ ପ୍ରଧାନମନ୍ତ୍ରୀ କିଏ ହେବ ତାହାର ନିଷ୍ପତି ନେବାକୁ ଯାଉଛି ।