ଆନ୍ଧ୍ରପ୍ରଦେଶ: କେନାଲରେ ବୁଡି 6 ଯୁବକ ମୃତ

ଆନ୍ଧ୍ରପ୍ରଦେଶରେ ପାଣିରେ ବୁଡି 6 ଜଣ ଯୁବକଙ୍କ ମୃତ୍ୟୁ । ଯୁବକମାନେ କେନାଲରେ ଗାଧୋଉଥିବାବେଳେ ଭାସିଯାଇଥିଲେ। ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ଉଦ୍ଧାରକାରୀଙ୍କ ସାହାର୍ଯ୍ୟରେ ପାଣିରୁ ମୃତଦେହ ଉଦ୍ଧାର କରିଛି । ଅଧିକ ପଢନ୍ତୁ...

ହାଇଦ୍ରାବାଦ: କେନାଲରେ ଗାଧୋଉଥିବାବେଳେ ଭାସିଗଲେ 6 ଯୁବକ । ଏଭଳି ଏକ ଦୁଃଖଦ ଘଟଣା ଆନ୍ଧ୍ରପ୍ରଦେଶ ବସନ୍ତଓ୍ବାଡାରେ ଦେଖିବାକୁ ମିଳିଛି । ପୋଲିସ କେନାଲରୁ ମୃତଦେହ ଉଦ୍ଧାର କରିଛି ।

ସୂଚନା ଅନୁଯାୟୀ ଆଜି(ବୁଧବାର) ଆନ୍ଧ୍ରପ୍ରଦେଶର ବୁଦେବୀପେଟା ଗାଁ, ଭେତେରୁପଡୁ ମଣ୍ଡଳ, ଓ୍ବେଷ୍ଟ ଗୋଦାବରି ଅଞ୍ଚଳର ଅନେକ ଲୋକ ପିକନିକ ପାଇଁ ବସନ୍ତଓ୍ବାଡା ଯାଇଥିଲେ । ଏହି ସମୟରେ କେନାଲକୁ 6 ଜଣ ଯୁବକ ଗାଧୋଇବା ପାଇଁ ଯାଇ କେନାଲରେ ବୁଡି ଯାଇଥିଲେ। ଏନେଇ ଖବର ପାଇ ଏସଆଇ ଟି. ସୁଧୀର ଘଟଣାସ୍ଥଳରେ ପହଞ୍ଚି ଉଦ୍ଧାରକାରୀଙ୍କ ସାହାର୍ଯ୍ୟରେ 6 ଜଣ ଯୁବକଙ୍କୁ ଉଦ୍ଧାର କରିଥିଲେ । ତେବେ ଉଦ୍ଧାର ହେବା ପୂର୍ବରୁ ସମସ୍ତ 6 ଯୁବକଙ୍କର ମୃତ୍ୟୁ ହୋଇଯାଇଥିଲା । ପୋଲିସ ମୃତଦେହକୁ ପୋଷ୍ଟମଟମ୍ ପାଇଁ ପଠାଇବା ସହ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ