ପୁଲୱାମା ଶହୀଦଙ୍କ ଗାଁ ମାଟିରେ ପ୍ରସ୍ତୁତ ହେବ ଭାରତ ମାନଚିତ୍ର

ପୁଲୱାମା ଶହୀଦଙ୍କ ପାଇଁ ତାଙ୍କ ଗାଁ ମାଟିରୁ ପ୍ରସ୍ତୁତ ହେବ ଭାରତ ମାନଚିତ୍ର । ଗାୟକ ଉମେଶ ପ୍ରସ୍ତୁତ କରିବେ ଏହି ମାନଚିତ୍ରକୁ।

ନୂଆଦିଲ୍ଲୀ: ପୁଲୱାମା ଶହୀଦଙ୍କୁ ଶ୍ରଦ୍ଧାଞ୍ଜଳୀ ଦେବା ପାଇଁ ଏକ ସ୍ବତନ୍ତ୍ର ପ୍ରୟାସ କରୁଛନ୍ତି ଦେଶର ଜଣେ କଳାକାର । ଏଥିପାଇଁ ସେ ଶହୀଦଙ୍କ ଘର ଘର ବୁଲି ତାଙ୍କ ଜନ୍ମ ସ୍ଥଳରୁ ମାଟି ସଂଗ୍ରହ କରୁଛନ୍ତି । ଏହି ମାଟିରେ ସେ ଭାରତର ମାନଚିତ୍ର ପ୍ରସ୍ତୁତ କରିବେ ବୋଲି କହିଛନ୍ତି।

କର୍ଣ୍ଣାଟକ ମାଣ୍ଡ୍ୟା ଜିଲ୍ଲାର ଉମେଶ ନାମକ ଜଣେ ଗୀତକାର ପୁଲୱାମା ଶହୀଦଙ୍କ ଘର-ଘର ବୁଲି ତାଙ୍କ ପରିବାର ସହ ସାକ୍ଷାତ କରୁଛନ୍ତି । ଏହା ସହିତ ଶହୀଦଙ୍କ ଗାଁ-ସହରର ମାଟି ସଂଗ୍ରହ କରୁଛନ୍ତି । ତେବେ ପୁଲୱାମା ଶହୀଦଙ୍କ ସ୍ମୃତିରେ ଏହି ମାଟିରେ ସେ ଭାରତୀୟ ମାନଚିତ୍ର ପ୍ରସ୍ତୁତ କରିବେ । ଆକ୍ରମଣର ଏକ ବର୍ଷ ପୁର୍ତ୍ତି ଅବସରରେ ସେ ପୁଲୱାମା ଯିବେ ଏବଂ ଶହୀଦଙ୍କ ଜନ୍ମ ସ୍ଥଳରୁ ସଂଗ୍ରହ ମାଟିରେ ଭାରତୀୟ ମାନଚିତ୍ର ପ୍ରସ୍ତୁତ କରିବେ ।

ସୂଚନା ଯୋଗ୍ୟ ଯେ, ଚଳିତ ବର୍ଷ ଫେବୃଆରୀ 14ରେ ଜମ୍ମୁ-କାଶ୍ମୀରର ପୁଲୱାମାରେ ସୁରକ୍ଷାକର୍ମୀଙ୍କ ଉପରକୁ ଏକ ବଡ ଧରଣର ଆତଙ୍କବାଦୀ ଆକ୍ରମଣ ହୋଇଥିଲା । ଏଥିରେ 40 ଜଣ ଯବାନ ଶହୀଦ ହୋଇଥିଲେ ।