ବଦଳାନ୍ତୁ ବଦଭ୍ୟାସ, ନହେଲେ ଖାଇବେ 350 ଭୋଲ୍ଟ ସକ୍

ବଦଳାନ୍ତୁ ଆପଣଙ୍କ ଖରାପ ଅଭ୍ୟାସ। ନହେଲେ ଖାଇବେ 350 ଭୋଲ୍ଟର କରେଣ୍ଟ। ଏମିତି ଏକ ବ୍ରେସଲେଟ ବଜାରକୁ ଆସିଛି ଯାହା ଆପଣଙ୍କ ଖରାପ ଅଭ୍ୟାସକୁ କରିବ ନିୟନ୍ତ୍ରଣ। ଆଉ ଆପଣଙ୍କୁ ସୁଧାରିବାରେ ହେବ ସହାୟକ। ତେବେ ଆସନ୍ତୁ ଜାଣିବା କ'ଣ ଏହି ବ୍ରେସଲେଟ...

ନୂଆଦିଲ୍ଲୀ: ଏବେ ବ୍ରେସଲେଟ ରୋକିବ ଆପଣଙ୍କ ଖରାପ ଅଭ୍ୟାସ । ସଧାରଣତଃ କିଛି ଲୋକଙ୍କର ଫାଷ୍ଟଫୁଡ ଖାଇବା, ଖାଲି ସମୟରେ ନିଜର ନଖ କାମୁଡିବା ଭଳି ବଦଭ୍ୟାସକୁ ଏବେ ରୋକିବା ପାଇଁ ତିଆରି ହୋଇଛି ହ୍ୟାଣ୍ଡ ବ୍ରେସଲେଟ ।

ଏହି ବ୍ରେସଲେଟ ବ୍ୟବହାର କରିବା ଦ୍ବାରା ଆପଣଙ୍କ ଖରାପ ଅଭ୍ୟାସ ଯୋଗୁଁ ଏହା ଦେଇଥାଏ 350 ଭୋଲ୍ଟର ଇଲେକ୍ଟ୍ରିକ ସକ। ଏହି ବ୍ରେସଲେଟର ଦାମ18 ହଜାର ବୋଲି ଜଣାପଡିଛି । କେବଳ ଫାଷ୍ଟ ଫୁଡ ନୁହେଁ, ଅତ୍ୟଧିକ ଧୂମପାନ, ଅଧିକ ଶୋଇବା, ଅଧିକ ଟଙ୍କା ଖର୍ଚ୍ଚ କରିବା ଓ ଅଧିକ ସମୟ ଇଣ୍ଟରନେଟରେ ବିତାଇବା ଭଳି ବଦଭ୍ୟାସକୁ ଦୋହରାଇଲେ ଖାଇବେ ସକ୍।

ଏହି ବ୍ରେସଲେଟ ଥରେ ଚାର୍ଜ ହେବାପରେ 150 ଥର ସକ୍ ଦେଇପାରେ। ୟୁଟାରେ ତିଆରି କରାଯାଇଛି ଏହି ବ୍ରେସଲେଟ। ମାତ୍ର 3-4 ଦିନ ଭିତରେ ଆପଣଙ୍କ ଖରାପ ଅଭ୍ୟାସ ବଦଳିବା ଦେଖିବାକୁ ପାଇବେ ବୋଲି କହିଛି କମ୍ପାନୀ।