କଂଗ୍ରେସର ନିରବତାରେ ଅସ୍ଥିର କେଜ୍ରିୱାଲ-ଶିବପାଳ

ପ୍ରଗତିଶୀଳ ସମାଜବାଦୀ ଦଳର ଅଧ୍ୟକ୍ଷ ଶିବପାଳ ଯାଦବ ଦିନେ କଂଗ୍ରେସକୁ ଟାର୍ଗେଟ କରୁଥିଲେ । ବର୍ତ୍ତମାନ କଂଗ୍ରେସ ସହ ମେଣ୍ଟ କରିବାକୁ ଆଶାରେ ବସିଛି ଦଳ । କିନ୍ତୁ ତାଙ୍କୁ ମଧ୍ୟ ନିରାଶ ହେବାକୁ ପଡିଛି । କଂଗ୍ରେସ ୟୁପିରେ ଏକାକୀ ନିର୍ବାଚନ ଲଢିବାର ନିଷ୍ପତ୍ତି ନେଇଛି । ଯାହାପରେ ଶିବପାଳ କଂଗ୍ରେସ ଉପରେ ବର୍ଷିଛନ୍ତି ।

ଲକ୍ଷ୍ନୌ: କଥାରେ ଅଛି ରାଜନୀତିରେ କେହି କେବେ କାହାର ଶତ୍ରୁ ଅବା ମିତ୍ର ରୁହନ୍ତି ନାହିଁ । ଏହି କଥା ଆମ ଆଦମୀ ପାର୍ଟି ମୁଖିଆ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ୍ର କେଜ୍ରିୱାଲ ପାଇଁ ଉପଯୁକ୍ତ । କାରଣ ରାଜନୀତିରେ ପ୍ରବେଶ ପୂର୍ବରୁ କଂଗ୍ରେସ ଉପରେ କେତେ କଣ ଅଭିଯୋଗ ଆଣିଥିଲେ କେଜ୍ରିୱାଲ । ବର୍ତ୍ତମାନ ସେହି କଂଗ୍ରେସ ସହ ଦିଲ୍ଲୀ ସମେତ ହରିୟାଣାରେ ମେଣ୍ଟ କରିବାକୁ ଇଚ୍ଛୁକ କେଜ୍ରିୱାଲ । ଅନ୍ୟପକ୍ଷେ କଂଗ୍ରେସ କେଜ୍ରିୱାଲଙ୍କୁ ଦେଉ ନାହାନ୍ତି ଗୁରୁତ୍ବ । ଦଳ ଏକାକୀ ନିର୍ବାଚନ ଲଢିବ ବୋଲି ସ୍ପଷ୍ଟ କରିଛି ।

ସେହିପରି ପ୍ରଗତିଶୀଳ ସମାଜବାଦୀ ଦଳର ଅଧ୍ୟକ୍ଷ ଶିବପାଳ ଯାଦବ ଦିନେ କଂଗ୍ରେସକୁ ଟାର୍ଗେଟ କରୁଥିଲେ । ବର୍ତ୍ତମାନ କଂଗ୍ରେସ ସହ ମେଣ୍ଟ କରିବାକୁ ଆଶାରେ ବସିଛି ଦଳ । କିନ୍ତୁ ତାଙ୍କୁ ମଧ୍ୟ ନିରାଶ ହେବାକୁ ପଡିଛି । କଂଗ୍ରେସ ୟୁପିରେ ଏକାକୀ ନିର୍ବାଚନ ଲଢିବାର ନିଷ୍ପତ୍ତି ନେଇଛି । ଯାହାପରେ ଶିବପାଳ କଂଗ୍ରେସ ଉପରେ ବର୍ଷିଛନ୍ତି ।

ସେ କହିଛନ୍ତି ଯେ ଏକ ମାସ ଯାଏ କଂଗ୍ରେସକୁ ଅପେକ୍ଷା କରି ବସିଥିଲି । କଂଗ୍ରେସ ନେତାମାନେ ପ୍ରତିଦିନ ବୈଠକ ପରେ ବୈଠକ କରି ଚାଲୁଛନ୍ତି । କିନ୍ତୁ ଏହା ଭିତରେ ନିଜ ପ୍ରାର୍ଥୀ ତାଲିକା ମଧ୍ୟ ଜାରି କରି ସାରିଛି । କଂଗ୍ରେସ ନେତାମାନେ ମିଛ କୁହନ୍ତି ବୋଲି ସେ କହିଛନ୍ତି । ଶିବପାଳ ଯାଦବ ନିଜ ପୁତୁରା ଅଖିଳେଶ ଯାଦବଙ୍କୁ ବିରୋଧ କରି ସମାଜବାଦୀ ପାର୍ଟିରୁ ବାହାରି ଆସିଥିଲେ । ସେ ଏସପି ଓ ବିଏସପି ମଧ୍ୟରେ ହୋଇଥିବା ମେଣ୍ଟକୁ ଠକବନ୍ଧନ ବୋଲି କହିଥିଲେ ।