ମୁମ୍ବାଇ: ବିହାର ନିର୍ବାଚନକୁ ଆଉ ଦିନ କେଇଟା ବାକି । ଚଳିତ ବର୍ଷ ଅତ୍ୟନ୍ତ ରୋଚକ ଓ ରୋମାଞ୍ଚକ ମୋଡ ନେଉଛି ବିହାରର ବିଧାନସଭା ନିର୍ବାଚନ। ନୂଆ ଦଳର ସୃଷ୍ଟି ଓ ନୂଆ ଦଳର ଏଣ୍ଟ୍ରି ଦେଖିବାକୁ ମିଳୁଛି। ଏହା ଭିତରେ ଶିବସେନା ମୁଖ୍ୟ ତଥା ଉଦ୍ଧବ ଠାକରେ ମଧ୍ୟ ପ୍ରତିଦ୍ବନ୍ଦିତା ପାଇଁ ସ୍ଥିର କରିଛନ୍ତି।
ଶିବସେନା ନେତା ସଞ୍ଜୟ ରାଉତଙ୍କ କହିବା ଅନୁସାରେ ଚଳିତ ବର୍ଷ ପାର୍ଟି 50ଟି ଆସନରେ ପ୍ରତିଦ୍ବନ୍ଦିତା କରିବ। ଏନେଇ ଆଜି ମହାରାଷ୍ଟ୍ର ମୁଖ୍ୟମନ୍ତ୍ରୀ ଠାକରେ ଓ ରାଜ୍ୟ ମନ୍ତ୍ରୀ ଆଦିତ୍ୟ ଠାକରେ ଭର୍ଚୁଆଲ ରାଲି ମାଧ୍ୟମରେ ସମ୍ବୋଧନ କରିବେ।
ମିଳିଥିବା ସୂଚନା ଅନୁଯାୟୀ, ବିହାର ବିଧାନସଭା ନିର୍ବାଚନ ପାଇଁ ଦଳର ପ୍ରାର୍ଥୀଙ୍କ ସପକ୍ଷରେ ଉଦ୍ଧବ ଠାକରେ ପ୍ରଚାର କରିବେ। ଏହି କାରଣରୁ, ଶିବସେନା ଗୁରୁବାର ଦିନ 22 ଜଣ ନେତାଙ୍କ ତାଲିକା ପ୍ରକାଶ କରିଛନ୍ତି ଯେଉଁମାନେ ବିହାରରେ ନିର୍ବାଚନ ପ୍ରଚାର କରିବେ।