ପୁଣି ପ୍ରଶାସନିକ ସେବାକୁ ଫେରିବେ ଶାହ ଫୈଜଲ !

ଫୈଜଲଙ୍କ ସ୍ଥାନରେ ଫିରୋଜ ପୀରଜାଦାଙ୍କୁ ଦଳର ଅନ୍ତରୀଣ ଅଧ୍ୟକ୍ଷ ଭାବରେ ନିଯୁକ୍ତି ଦିଆଯାଇଛି । ଦଳର ଅଧ୍ୟକ୍ଷ ପଦ ପାଇଁ ଆଗାମି ନିର୍ବାଚନ ନହେବା ପର୍ଯ୍ୟନ୍ତ ଫିରୋଜ ପୀରଜାଦା ପିପୁଲ୍ସ ମୁଭମେଣ୍ଟ ପାର୍ଟିର ସଭାପତି ଦାୟୀତ୍ବ ତୁଲାଇବେ ।

ଶ୍ରୀନଗର: ଆଇଏଏସରୁ ଇସ୍ତଫା ଦେଇ ରାଜନୀତିରେ ପ୍ରବେଶ କରିଥିବା ଶାହ ଫୈଜଲ ଜମ୍ମୁ କାଶ୍ମୀର ପିପୁଲ୍ସ ମୁଭମେଣ୍ଟ ପାର୍ଟିର ସଭାପତି ପଦରୁ ଇସ୍ତଫା ଦେଇଛନ୍ତି। ତାଙ୍କ ସ୍ଥାନରେ ଫିରୋଜ ପୀରଜାଦାଙ୍କୁ ଦଳର ଅନ୍ତରୀଣ ଅଧ୍ୟକ୍ଷ ଭାବରେ ନିଯୁକ୍ତି ଦିଆଯାଇଛି । ଦଳର ଅଧ୍ୟକ୍ଷ ପଦ ପାଇଁ ଆଗାମି ନିର୍ବାଚନ ନହେବା ପର୍ଯ୍ୟନ୍ତ ଫିରୋଜ ପୀରଜାଦା ପିପୁଲ୍ସ ମୁଭମେଣ୍ଟ ପାର୍ଟିର ସଭାପତି ଦାୟିତ୍ବ ତୁଲାଇବେ ।

ଜମ୍ମୁ କାଶ୍ମୀରରୁ ଧାରା 370 ଉଚ୍ଛେଦ ପରେ ପିଏସଏ ଅଧୀନରେ ଗୃହବନ୍ଦୀ ଭାବରେ ରଖାଯାଇଥିବା ଫୈଜଲଙ୍କୁ ନିକଟରେ ମୁକ୍ତ କରାଯାଇଥିଲା। ତେବେ ସେ ରାଜନୀତି ଛାଡି ପୁଣିଥରେ ପ୍ରଶାସନିକ ସେବାକୁ ଫେରିପାରନ୍ତି ବୋଲି ଅନୁମାନ କରାଯାଉଛି । ଅନ୍ୟପକ୍ଷରେ ସେ ଅଧିକ ଅଧ୍ୟୟନ ପାଇଁ ଆମେରିକା ମଧ୍ୟ ଯାଇପାରନ୍ତି ବୋଲି ଚର୍ଚ୍ଚା ହେଉଛି । ତେବେ ଫୈଜଲ ଏବାବଦରେ ଏବେସୁଦ୍ଧା କୌଣସି ପ୍ରତିକ୍ରିୟା ଦେଇନାହାନ୍ତି ।