ନୂଆଦିଲ୍ଲୀ: ସେପ୍ଟେମ୍ବରକୁ 'ପୁଷ୍ଟିକର ମାସ' ଭାବରେ ପାଳନ କରିବାକୁ ରବିବାର ଘୋଷଣା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । 'ମନ କି ବାତ'ରେ ପୁଷ୍ଟିକର ଖାଦ୍ୟ ଅନୁସରଣ କରିବାର ମହତ୍ତ୍ବ ବିଷୟରେ ଆଲୋଚନା କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏଭଳି ଘୋଷଣା କରିଛନ୍ତି । ଯେଉଁଭଳି ସ୍କୁଲରେ ରିପୋର୍ଟ କାର୍ଡ ପ୍ରସ୍ତୁତ ହେଉଛି ସେହିଭଳି ନ୍ୟୁଟ୍ରିସନ କାର୍ଡ ମଧ୍ୟ ଆରମ୍ଭ କରାଯାଉଛି ବୋଲି ମୋଦି କହିଛନ୍ତି ।
ପ୍ରଧାନମନ୍ତ୍ରୀ ମୋଦି ଏନେଇ କହିଛନ୍ତି, ଆମ ପିଲାମାନେ, ଆମ ଛାତ୍ରମାନେ, ସେମାନଙ୍କର ପୂର୍ଣ୍ଣ ସାମର୍ଥ୍ୟ ଦେଖାଇବାକୁ, ସେମାନଙ୍କର ଶକ୍ତି ପ୍ରଦର୍ଶନ କରିବାକୁ ସକ୍ଷମ ହେବେ । ଏଥିପାଇଁ ପୁଷ୍ଟିକର ଖାଦ୍ୟର ବହୁତ ବଡ଼ ଭୂମିକା ରହିଛି । ସମଗ୍ର ଦେଶରେ ସେପ୍ଟେମ୍ବର ମାସକୁ ପୁଷ୍ଟିକର ମାସ ଭାବରେ ପାଳନ କରାଯିବ । ଦେଶ ଏବଂ ପୋଷଣ ମଧ୍ୟରେ ଏକ ଗଭୀର ସମ୍ପର୍କ ଅଛି । କଥାରେ ଅଛି-ୟଥା ଅର୍ଣ୍ଣମ ଏବଂ ତଥା ମନ୍ନମ । ଅର୍ଥାତ ଖାଦ୍ୟ ଆସିବା ମାତ୍ରେ ଆମର ମାନସିକ ଏବଂ ବୌଦ୍ଧିକ ବିକାଶ ହୁଏ ବୋଲି ମୋଦି କହିଛନ୍ତି ।
ସେ ଆହୁରି କହିଛନ୍ତି ଯେ, ପୁଷ୍ଟିକର ମାସରେ ମାଇଗୋଭ୍ ପୋର୍ଟାଲରେ ଏକ ଖାଦ୍ୟ ଏବଂ ପୁଷ୍ଟିକର କୁଇଜ୍ ଆୟୋଜନ କରାଯିବ ଏବଂ ସେଠାରେ ଏକ ମିମି ପ୍ରତିଯୋଗିତା ହେବ। ସମସ୍ତେ ସେଥିରେ ଅଂଶଗ୍ରହଣ କରିବା ଉଚିତ ଏବଂ ଅନ୍ୟମାନଙ୍କୁ ଏଥିରେ ଭାଗ ନେବାକୁ ଉତ୍ସାହିତ କରିବା ଉଚିତ୍। ପୁଷ୍ଟିକର ଖାଦ୍ୟ ବିଷୟରେ ସଚେତନତା ସୃଷ୍ଟି କରିବାର ଆବଶ୍ୟକତା ରହିଛି ବୋଲି ପ୍ରଧାନମନ୍ତ୍ରୀ କହିଛନ୍ତି।
ସେହିପରି ଗର୍ଭବତୀ ମହିଳାଙ୍କ ପାଇଁ ପୁଷ୍ଟିକର ଖାଦ୍ୟର ମହତ୍ତ୍ୱ ବିଷୟରେ ମଧ୍ୟ ମୋଦି କହିଥିଲେ। ସେ କହିଛନ୍ତି, ବିଶେଷଜ୍ଞଙ୍କ ଅନୁଯାୟୀ ଗର୍ଭରେ ଥିବା ଶିଶୁ ତଥା ପିଲାଦିନେ ପାଇଥିବା ପୁଷ୍ଟିକର ଖାଦ୍ୟ ସେମାନଙ୍କ ମାନସିକ ବିକାଶରେ ଉନ୍ନତ ଆଣିବ ଏବଂ ସେମାନେ ସୁସ୍ଥ ରହିବେ। ପିଲାମାନଙ୍କ ପାଇଁ ପୁଷ୍ଟିକର ଖାଦ୍ୟ ନିଶ୍ଚିତ କରିବାକୁ ହେଲେ ମା ମଧ୍ୟ ପୁଷ୍ଟିକର ଖାଦ୍ୟ ପାଇବାକୁ ପଡିବ। ସଠିକ୍ ପୁଷ୍ଟିକର ଖାଦ୍ୟ ଉଭୟଙ୍କ ପାଇଁ ଗୁରୁତ୍ୱପୂର୍ଣ୍ଣ ବୋଲି ପ୍ରଧାନମନ୍ତ୍ରୀ ମୋଦି କହିଛନ୍ତି।
ତେବେ ଏଥିପାଇଁ ଦେଶରେ ନ୍ୟୁଟ୍ରିସନକୁ ଜନଆନ୍ଦୋଳନ କରିବାକୁ ଦେଶବାସୀଙ୍କୁ ଅପିଲ କରିଛନ୍ତି ମୋଦି । ଏହି ଆନ୍ଦୋଳନରେ ଲୋକଙ୍କ ଅଂଶଗ୍ରହଣ ମଧ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ସେ କହିଛନ୍ତି। ଜନସାଧାରଣଙ୍କ ଅଂଶଗ୍ରହଣ ହିଁ ଏହାକୁ ସଫଳ କରିବ ବୋଲି ମୋଦି କହିଛନ୍ତି ।
