ନୂଆଦିଲ୍ଲୀ: ନୌସେନାରୁ ସେବା ନିବୃତ ହୋଇସାରିଥିବା ଏୟାରକ୍ରାଫ୍ଟ କ୍ୟାରିୟର ଜାହାଜ ଆଇଏନଏସ ବିରାଟକୁ ଭାଙ୍ଗିବା ଉପରେ ରୋକ ଲଗାଇଦେଇଛନ୍ତି ସୁପ୍ରିମକୋର୍ଟ । ଏନଭିଟେକ ମରୀନ କନ୍ସଲେଣ୍ଟ୍ସ ଲିମିଟେଡ ନାଁରେ ଏକ କମ୍ପାନୀ 100 କୋଟି ଟଙ୍କାର ଭରଣା କରି ଏହାକୁ ସଂଗ୍ରାହାଳୟ ଭାବରେ ସଂରକ୍ଷିତ ରଖିବାକୁ ଦାବି କରିଥିଲା । ଆଇଏନଏସ ବିରାଟକୁ କିଣିଥିଲା ଭାବନଗରର ଶ୍ରୀରାମ ଗ୍ରୁପ । ତେବେ ଏହାକୁ ବର୍ତ୍ତମାନ ଭଙ୍ଗା ଯାଉଛି । 2007ରେ ଭାରତୀୟ ନୌସେନାର ଏହି ବିମାନ ବାହକ ଯୁଦ୍ଧ ଜାହାଜ ଆଇଏନଏସ ବିରାଟକୁ ସେବା ନିବୃତ କରାଯାଇଥିଲା ।
ପାଖାପାଖି 15 ବର୍ଷ ପର୍ଯ୍ୟନ୍ତ ଏକାକି ଭାରତର ଦୁଇ ସମୁଦ୍ର ଉପକୂଳ ସହିତ ଆରବ ସାଗରରୁ ନେଇ ପଶ୍ଚିମବଙ୍ଗର ଖାଡି ପର୍ଯ୍ଯନ୍ତ ଶତ୍ରୁଙ୍କ ଗତିବିଧି ଉପରେ ନଜର ରଖୁଥିଲା ବିରାଟ । ନୌସେନାର ଆଉ ଏକ ଏୟାରକ୍ରାଫ୍ଟ କ୍ୟାରିୟର ବିକ୍ରାନ୍ତ ପାଖାପାଖି 18 ବର୍ଷ ପୂର୍ବରୁ ସେବାନିବୃତ୍ତ ହୋଇସାରିଛି ।