ନୂଆଦିଲ୍ଲୀ: ସୁପ୍ରିମକୋର୍ଟ ମଙ୍ଗଳବାର ଚାରି ଧାମକୁ ସଂଯୋଗ କରୁଥିବା ଜାତୀୟ ରାଜପଥ ନିର୍ମାଣ କରିବାକୁ ନିର୍ଦ୍ଦେଶ ଦେଇଛନ୍ତି । ଉତ୍ତରପ୍ରଦେଶର ଯମୁନୋତ୍ରୀ, ଗଙ୍ଗୋତ୍ରୀ, ବଦ୍ରିନାଥ ଓ କେଦାରନାଥରେ ସଂଯୋଗ କରୁଥିବା ଜାତୀୟ ରାଜପଥ ନିର୍ମାଣ ପାଇଁ ସଡକ ପରିବହନ ଓ ରାଜପଥ ମନ୍ତ୍ରଣାଳୟର 2018 ସର୍କୁଲାର ପାଳନ କରିବାକୁ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି।
ସର୍କୁଲାର ଅନୁଯାୟୀ, 5.5 ମିଟର ପାହାଡି ଅଞ୍ଚଳ ଦେଇ କ୍ୟାରେଜୱେ ନିର୍ମାଣ କରାଯିବାର ଥିଲା କିନ୍ତୁ କେନ୍ଦ୍ର 7 ମିଟର କରିବାକୁ ଚାହୁଁଛି । ମାତ୍ର ସୁପ୍ରିମକୋର୍ଟ ଏଥିପାଇଁ ଅନୁମତି ଦେବାକୁ ମନା କରିଦେଇଛନ୍ତି । କାରଣ ସରକାରଙ୍କ ସର୍କୁଲାର ନିଜେ ସରକାର ଉଲଂଘନ କରିପାରିବେ ନାହିଁ । ଏହି ପ୍ରକଳ୍ପରେ ଜଙ୍ଗଲ ନଷ୍ଟ ହେବାକୁ ଥିବା ବେଳେ କ୍ଷତିପୂରଣ ପାଇଁ କେନ୍ଦ୍ରକୁ ବୃକ୍ଷରୋପଣ କରିବାକୁ ମଧ୍ୟ କୋର୍ଟ କହିଛନ୍ତି।