ଡେରାଡୁନ: ବିଶ୍ୱ ପ୍ରସିଦ୍ଧ କେଦାରନାଥ ମନ୍ଦିର ପରିଦର୍ଶନରେ ଯାଉଥିବା ଭକ୍ତମାନଙ୍କୁ କେଦାରନାଥ ଧାମରେ ଆଧ୍ୟାତ୍ମିକ ଗୁମ୍ଫା ପରିଦର୍ଶନ ପାଇଁ ମୂଲ୍ୟ ଦେବାକୁ ପଡିବ। ଗୁମ୍ଫାରେ ଆଧୁନିକୀକରଣ କରି ରାଜ୍ୟ ସରକାର ଗୁମ୍ଫାରେ ସୁବିଧା କରୁଛନ୍ତି। ଯାହାର ମୂଲ୍ୟ ଟ୍ୟାକ୍ସ ଭାବରେ ଏଠାରେ ପହଞ୍ଚୁଥିବା ଭକ୍ତଙ୍କଠାରୁ ସଂଗ୍ରହ କରାଯିବ । ଏଥି ସହିତ କେଦାରନାଥ ଧାମର ସନ୍ଥ ସମାଜ ଏବଂ ତୀର୍ଥ ପୁରୋହିତ ଏହାକୁ ଦୃଢ ବିରୋଧ କରୁଛନ୍ତି।
ସୂଚନାମୁତାବକ, 16-17 ଜୁନ 2013ର ବିପର୍ଯ୍ୟୟ ପରଠାରୁ କେଦାରଧାମରେ ପୁନଃ ନିର୍ମାଣ କାର୍ଯ୍ୟ ଚାଲିଛି । କେଦାରନାଥ ଧାମର ଆଧୁନିକୀକରଣ ସହିତ ଏହା ସମସ୍ତ ସୁବିଧା ସହିତ ସଜାଯାଉଛି । ଯାହାଫଳରେ ଏଠାରେ ପହଞ୍ଚୁଥିବା ତୀର୍ଥଯାତ୍ରୀମାନେ କୌଣସି ପ୍ରକାରର ସମସ୍ୟାର ସମ୍ମୁଖୀନ ହେବେ ନାହିଁ । ପ୍ରଧାନମନ୍ତ୍ରୀ ମୋଦି ନିଜେ କେଦାରଧାମର ପୁନଃ ନିର୍ମାଣ ଉପରେ ନଜର ରଖିଛନ୍ତି। ଏଥି ମଧ୍ୟରୁ ଅନେକ କାର୍ଯ୍ୟ ପ୍ରଧାନମନ୍ତ୍ରୀଙ୍କ ଡ୍ରିମ ପ୍ରୋଜେକ୍ଟରେ ଅନ୍ତର୍ଭୁକ୍ତ ।
କେଦାରନାଥରେ ଗରୁଡଚଟ୍ଟୀ ସହିତ ଅନେକ ଗୁମ୍ଫା ଅଛି । ଯେଉଁଠାରେ ଯାତ୍ରା ସମୟର 6 ମାସ ପର୍ଯ୍ୟନ୍ତ ଅନେକ ସାଧୁ ସନ୍ଥମାନେ ତପସ୍ୟା କରିଥାନ୍ତି । କିନ୍ତୁ ଦେବସ୍ଥାନ ବୋର୍ଡ ଗଠନ ପରେ ଏହି ଗୁମ୍ଫାଗୁଡ଼ିକ ବର୍ତ୍ତମାନ ସରକାରଙ୍କ ଅଧୀନରେ ଆସିବ। ଯାହା ପରେ ସାଧୁ ଓ ସନ୍ଥମାନେ ଏଠାରେ ତପସ୍ୟା କରିବାକୁ ସମର୍ଥ ହେବେ ନାହିଁ କିମ୍ବା ସେମାନେ ଏଠାରେ ରହିପାରିବେ ନାହିଁ । ଏହା ବ୍ୟତୀତ, ଯେଉଁ ଭକ୍ତମାନେ ଏଠାରେ ପହଞ୍ଚିବେ ଏବଂ ଗୁମ୍ଭା ଦେଖିବେ ସେମାନଙ୍କୁ ମଧ୍ୟ ଏଥିପାଇଁ ଅଲଗା ଟଙ୍କା ଦେବାକୁ ପଡିବ ।
ରାଜ୍ୟ ସରକାର ଏହି ଗୁମ୍ଫା ଗୁଡିକୁ ନବୀକରଣ କରୁଛନ୍ତି । ଏଠାରେ ଥିବା ଗୁମ୍ଫାଗୁଡ଼ିକୁ ହାଇ-ଟେକ କରାଯାଉଛି । ଏଥିରେ ଶୌଚାଳୟ ସମେତ ସମସ୍ତ ସୁବିଧା କରାଯାଉଛି । ବର୍ତ୍ତମାନ ଯେକୌଣସି ଭକ୍ତ ଏଠାରେ ସାଧନା କରନ୍ତି ତାଙ୍କୁ ଭଡା ଦେବାକୁ ପଡିବ । ମୋଟ ଉପରେ କହିବାକୁ ଗଲେ ବାବା କେଦାରନାଥଙ୍କ ଭକ୍ତି ନଗରୀ ଆଧ୍ୟାତ୍ମ ଓ ଆସ୍ଥା ପାଇଁ ପ୍ରସ୍ତୁତ ହେଉଥିବା ବ୍ୟବସ୍ଥା ସମ୍ପୂର୍ଣ୍ଣ ରୂପେ ବଜାରବାଦ ଆଡକୁ ଗତି କରୁଛି । ଯାହାକୁ ତୀର୍ଥପୁରୋହିତ ଏବଂ କେଦାରନାଥ ଧାମର ସାଧୁ ସମ୍ପ୍ରଦାୟ ଦୃଢ ବିରୋଧ କରୁଛନ୍ତି।
ବ୍ୟୁରୋ ରିପୋର୍ଟ, ଇଟିଭି ଭାରତ
