ନୂଆଦିଲ୍ଲୀ: ଦେଶ ମଧ୍ୟରେ ସବୁ ଧର୍ମ ମଧ୍ୟରେ ସମନ୍ବୟ ରଖିବା ଉପରେ ଜୋର ଦେଇଛନ୍ତି ରାଷ୍ଟ୍ରୀୟ ସ୍ବୟଂସେବକ ସଂଘର କାର୍ଯ୍ୟକର୍ତ୍ତା କୃଷ୍ଣଗୋପାଳ । ଏନେଇ ମୁସଲିମ ସମ୍ପ୍ରଦାୟଙ୍କୁ ଲକ୍ଷ୍ୟକରି ସେ କହିଛନ୍ତି ଦେଶରେ 600 ବର୍ଷ ଧରି ଶାସନ କରିଥିବା ଏକ ନିର୍ଦ୍ଦିଷ୍ଟ ଶାସକକୁ ଏତେ ଭୟ କାହିଁକି । 16/17 କୋଟି ଲୋକ ବିଶିଷ୍ଟ ଏହି ସମ୍ପ୍ରଦାୟଙ୍କୁ ଏତେ ଭୟ କାହିଁକି ବୋଲି ସେ ପ୍ରଶ୍ନ କରିଛନ୍ତି ।
ସେ ଆହୁରି ମଧ୍ୟ କହିଛନ୍ତି କି ଯଦି ଭୟ ଅଛି, ତେବେ ତାହାକୁ ଦୂର କରିବା ପାଇଁ ପ୍ରୟାସ କରାଯିବାର ଆବଶ୍ୟକ ରହିଛି । ଏଥିପାଇଁ ଚର୍ଚ୍ଚା ଓ ଆଲୋଚନା ମଧ୍ୟ କରାଯିବା ଦରକାର ବୋଲି ସେ କହିଛନ୍ତି । ଭାରତ କେବେ ବି ଚାହିଁବନି ଯେ, ମୁସଲମାନ ଭାଇ କେବେ ଦୁଃଖି ରୁହନ୍ତୁ। କାରଣ ଭାରତର ଉଦ୍ଦେଶ୍ୟ ସର୍ବେ ଭବନ୍ତୁ ସୁଖିନଃ ।
ଦେଶରେ ପାର୍ସୀ ଭାଷାଭାଷୀ ପ୍ରାୟ 50 ହଜାର ରହିଛନ୍ତି । ଜୈନ ଧର୍ମାବଲମ୍ବୀ 45 ଲକ୍ଷ ରହିଥିବା ବେଳେ ବୌଦ୍ଧ ଧର୍ମାବଲମ୍ବୀ 80 ରୁ 90 ଲକ୍ଷ ବସବାସ କରୁଛନ୍ତି । ଏମାନେ କେବେ ଭୟଭୀତ ହୋଇ ନାହାନ୍ତି । ଓଲଟା ସେ ପ୍ରଶ୍ନ କରିଛନ୍ତି କି କୌଣସି କାରଣକୁ ନେଇ ଏମାନେ କେବେ ଭୟରେ ଥିବା ଦେଖିଛନ୍ତି କି । ଯଦି ନା, ତେବେ 16-17 କୋଟି ଜନସଂଖ୍ୟା ବିଶିଷ୍ଟ ମୁସଲମାନ ସମ୍ପ୍ରଦାୟ କାହିଁକି ଭୟଭୀତ ହେବ।
ତେବେ ସବୁଠାରୁ ବଡ଼ ପ୍ରଶ୍ନ ଯଦି ତୁମେ 16 ରୁ 17 କୋଟି ଜନସଂଖ୍ୟା ବିଶିଷ୍ଟ, ତେବେ କାହାକୁ ଭୟ କରୁଛ ବୋଲି ସେ କହିଛନ୍ତି। ସେହିପରି ଆରଏସଏସର ଅନ୍ୟ ଜଣେ ବରିଷ୍ଠ କର୍ମକର୍ତ୍ତା ମଧ୍ୟ ସମାନ କଥା କହିଛନ୍ତି । ସେ କହିଛନ୍ତି ଯେ ଦେଶକୁ 600 ବର୍ଷ ଶାସନ କରିଥିବା ଏକ ନିର୍ଦ୍ଦିଷ୍ଟ ଜାତି ଆଜି କାହିଁକି ଭୟଭୀତ । ସେମାନେ କାହାକୁ ଭୟ କରୁଛନ୍ତି । ଭାରତ ସମସ୍ତଙ୍କୁ ନିଜର କରି ଶିଖିଛି । ଭଲ ପାଇବା ସହିତ ସେମାନଙ୍କୁ ନିଜ ଦେଶରେ ସ୍ଥାନ ଦେଇଛି ବୋଲି ସେ କହିଛନ୍ତି।
