ନୂଆଦିଲ୍ଲୀ: ‘ଫନି’କୁ ନେଇ ରାଜନୀତି ! ସମୀକ୍ଷା ବୈଠକକୁ ନେଇ କେନ୍ଦ୍ରର ଡାକରାକୁ ପଶ୍ଚିମବଙ୍ଗ ସରକାରଙ୍କ ନା । ମୋଦିଙ୍କ ସହ ସମୀକ୍ଷା ବୈଠକ କରିବାକୁ ରୋକଠୋକ ମନା କରିଦେଇଛନ୍ତି ମମତା ।
ସାମୁଦ୍ରିକ ଝଡ ‘ଫନି’ ପ୍ରଭାବରେ ବେହାଲ ହୋଇଛି ଓଡିଶା । ଓଡିଶା ବ୍ୟତୀତ ପଡୋଶୀ ପଶ୍ଚିମବଙ୍ଗ ମଧ୍ୟ ହୋଇଥିଲା ‘ଫନି’ର ଶିକାର । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଓଡିଶା ଗସ୍ତରେ ଆସି ଆକାଶମାର୍ଗରୁ ‘ଫନି’ ପୀଡିତଙ୍କୁ ଅତି ପାଖରୁ ପରଖିଛନ୍ତି । ଏନେଇ ମୋଦିଙ୍କ ସହ ଏକ ସମୀକ୍ଷା ବୈଠକ ମଧ୍ୟ ଓଡିଶାରେ ହୋଇଛି । ଏହି କ୍ରମରେ ପଶ୍ଚିମବଙ୍ଗରେ ମଧ୍ୟ ପ୍ରଧାନମନ୍ତ୍ରୀ ଏକ ସମୀକ୍ଷା ବୈଠକ କରିବା ନେଇ କେନ୍ଦ୍ର ସରକାରଙ୍କ ପକ୍ଷରୁ ପଶ୍ଚିମବଙ୍ଗ ସରକାରଙ୍କୁ ଚିଠି ମାଧ୍ୟମରେ ଜଣାଯାଇଥିଲା । ହେଲେ ଏହାକୁ ପ୍ରତ୍ୟାକ୍ଷାନ କରିଛି ପଶ୍ଚିମବଙ୍ଗ ।