ପାଟନା: ଉନ୍ନାଓରେ ପୁଣି ଲଜ୍ୟା । ପୀଡିତାକୁ କିରୋସିନି ଢାଳି ଜିଅନ୍ତା ଜାଳିଲେ ଅଭିଯୁକ୍ତ । ହାଇଦ୍ରାବାଦର ମହିଳା ପଶୁ ଡାକ୍ତରଙ୍କ ସହ ଗଣଦୁଷ୍କର୍ମ ହତ୍ୟା ଘଟଣା ଲୋକଙ୍କ ମନରୁ ଲିଭିନଥିବାବେଳେ ଗୁରୁବାର ଉତ୍ତରପ୍ରଦେଶର ଉନ୍ନାଓର ବିହାର ଥାନା ନିକଟ ହିନ୍ଦୁ ନଗର ଗାଁର ଜଣେ ଦୁଷ୍କର୍ମ ପୀଡିତାଙ୍କୁ 5 ଜଣ ଲୋକେ କିରୋସିନି ଢାଳି ଜିଅନ୍ତା ଜାଳିଛନ୍ତି । ଯାହାଫଳରେ ମହିଳାଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ମେଡିକାଲ ପଠାଯାଇଛି ।
ଭିଡିଓ ସୌଜନ୍ୟ:ଇଟିଭି ଭାରତ
ପୋଲିସର ସୂଚନା ଅନୁଯାୟୀ, ଗତ 2018 ଡିସେମ୍ବର 10ରେ ଦୁଇଜଣ ଯୁବକ ଶୁଭମ ଏବଂ ଶିବମ ପୀଡିତାଙ୍କ ସହିତ ଦୁଷ୍କର୍ମ କରିଥିଲେ । ଏହାପରେ ପୀଡିତା ଜଣଙ୍କ 2019 ମାର୍ଚ୍ଚ ମାସରେ ଲାଲଗଞ୍ଜ ଥାନାରେ ଏନେଇ ଏକ ଅଭିଯୋଗ କରିଥିଲେ । ପୀଡିତାଙ୍କ ଅଭିଯୋଗ ଅନୁଯାୟୀ ପୋଲିସ ତଦନ୍ତ କରି ଦୁଇ ଜଣ ଅଭିଯୁକ୍ତଙ୍କ ମଧ୍ୟରୁ ଶୁଭମଙ୍କୁ ଗିରଫ କରିଥିଲେ ।