ଥିରୁଅନନ୍ତପୁରମ: ସରିଲା ନିର୍ବାଚନ । ଆସିଲା ଫଳାଫଳ । ଫଳାଫଳକୁ ନେଇ ଚାରିଆଡେ ଜୋରଦାର ଚର୍ଚ୍ଚା । ଖାସ୍ କରି କଂଗ୍ରେସ ଲୋକସଭା ନିର୍ବାଚନରେ କେତେ ସିଟ୍ ହାତେଇଛି ଚାଲିଛି ଚର୍ଚ୍ଚା । ଏହି ଚର୍ଚ୍ଚା ଭିତରେ କେରଳର ଦ୍ବିତୀୟ ମହିଳା ସାଂସଦ ରମେୟା ହରିଦାସ ବର୍ତ୍ତମାନ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛନ୍ତି ।
ରମେୟାଙ୍କୁ ନେଇ ବହୁ କଥା ଶୁଣିବାକୁ ମିଳେ । ସେ ବର୍ତ୍ତମାନ କେରଳର ଏକମାତ୍ର ମହିଳା ସାଂସଦ ଅଟନ୍ତି । ଅତ୍ୟନ୍ତ ଗରିବ ପରିବାରରେ ଜନ୍ମ ଗ୍ରହଣ କରିଥିବା ରମେୟା ସାଂସଦ ହେବା ପଛରେ ରହିଛି ଏକ ସଂଘର୍ଷପୂର୍ଣ୍ଣ କାହାଣୀ । ସେ ଦୀର୍ଘ 32ବର୍ଷ ଧରି ଶ୍ରମିକ ଭାବେ କାର୍ଯ୍ୟ କରୁଥିଲେ । ସାଂସଦ ହେବା ପରେ ମଧ୍ୟ ତାଙ୍କର ମୋଟ ସମ୍ପତ୍ତି ମାତ୍ର 22 ହଜାର ଟଙ୍କା । ରମେୟାଙ୍କ ମା ମଧ୍ୟ ଜଣେ କଂଗ୍ରେସ ନେତ୍ରୀ ଭାବେ ପରିଚିତ ଥିଲେ । ସିଏ ବି ସିଲେଇ କାମ କରି ପରିବାର ପ୍ରତିପୋଷଣ କରୁଥିଲେ ।