ନୂଆଦିଲ୍ଲୀ : କୃଷି ବିଲକୁ ବିରୋଧ କରି ନିଲମ୍ବିତ ହୋଇଥିବା 8 ସାଂସଦଙ୍କ ଧାରଣା ଜାରି ରହିଛି । ସଂସଦର ଗାନ୍ଧୀମୂର୍ତ୍ତି ତଳେ ରାତି ତମାମ ପ୍ରତିବାଦ ପ୍ରଦର୍ଶନ କରିଛନ୍ତି ନିଲମ୍ବିତ ସାଂସଦ । ସେପଟେ ମଙ୍ଗଳବାର(ଆଜି) ସକାଳେ ରାଜ୍ୟସଭା ଉପାଧ୍ୟକ୍ଷ ହରିବଂଶ ସଂସଦ ପରିସରର ପହଞ୍ଚିଥିଲେ । ନିଲମ୍ବିତ ସାଂସଦଙ୍କ ପାଇଁ ଚା‘ ମଧ୍ୟ ନେଇ ଆସିଥିଲେ ।
ଏନେଇ ଆପ୍ ସାଂସଦ ସଞ୍ଜୟ ସିଂ ଟ୍ୱିଟ୍ କରି କହିଛନ୍ତି, ଉପାଧ୍ୟକ୍ଷ ସକାଳେ ଧାରଣା ସ୍ଥାନକୁ ଚା’ ଧରି ଆସିଥିଲେ । ଗୃହରେ ବିଜେପିର ସଂଖ୍ୟା ଗରିଷ୍ଠତା ନଥିଲା ତେଣୁ ବିନା ଭୋଟିଂରେ କୃଷକ ବିରୋଧୀ କଳା ଆଇନକୁ ପାରିତ କରାଗଲା । ଆଉ ଏଥିପାଇଁ କେବଳ ସେମାନେ ଉପାଧ୍ୟକ୍ଷଙ୍କୁ ଦାୟୀ ବୋଲି କହିଛନ୍ତି ସଞ୍ଜୟ । ଉପାଧ୍ୟକ୍ଷ ଚା’ କୁ ନେଇ ସଞ୍ଜୟ କହିଥିଲେ, ଏଠି ବ୍ୟକ୍ତିଗତ ସମ୍ପର୍କ ସୁଧାରବାକୁ ନୁହେଁ, ସେମାନେ ଦେଶରର କୃଷକ ପାଇଁ ବସିଛନ୍ତି। ସରକାର କୃଷକଙ୍କୁ ଧୋକା ଦେଇଛନ୍ତି ।
ସେପଟେ, ପ୍ରଧାନମନ୍ତ୍ରୀ ନରେନ୍ଦ୍ର ଉପାଧ୍ୟକ୍ଷଙ୍କ ଚା’ ନେବା ଘଟଣାକୁ ପ୍ରଶଂସା କରିଛନ୍ତି । ମୋଦି ଟ୍ବିଟ କରି କହିଛନ୍ତି, ଗତ କିଛି ତଳ ଯେଉଁମାନେ ତାଙ୍କୁ ଆକ୍ରମଣ କରିବା ସହ ଦୁର୍ବ୍ୟବାହର କରିଥିଲେ ଆଜି ସେମାନଙ୍କୁ ସେ ବ୍ୟକ୍ତିଗତ ଭାବେ ଚା’ ଦେଇଛନ୍ତି । ଏହା ଦ୍ବାରା ଉପାଧ୍ୟକ୍ଷ ହରିବଂଶ ନିଜର ଉଦାରତା ଓ ସହୃଦୟର ପ୍ରତିପାଦନ କରିଛନ୍ତି ବୋଲି ପିଏମ କହିଛନ୍ତି ।