ହାଇଦ୍ରାବାଦ: ମଙ୍ଗଳବାରଠାରୁ ତେଲେଙ୍ଗାନାରେ ଲାଗିରହିଛି ବର୍ଷା । ଲଗାଣ ବର୍ଷାରେ ଯାଇଛି 30 ଜଣଙ୍କ ଜୀବନ । ସେଥିମଧ୍ୟରୁ ଗ୍ରେଟର ହାଇଦ୍ରାବାଦର 19 ଜଣ ଥିବା ସୂଚନା ।
ଲଗାଣ ବର୍ଷା ଫଳରେ ଧନଜୀବନ କ୍ଷୟକ୍ଷତି ହେବା ସହ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି ଲୋକେ । ଆନ୍ଧ୍ରପ୍ରଦେଶ ଉପକୂଳ ଦେଇ ଗତି କରିଥିବା ଅବପାତ ଫଳରେ ଏହି ବର୍ଷା ଲାଗି ରହିଥିବାବେଳେ ରାଜଧାନୀ ସମେତ ଅନେକ ଜିଲ୍ଲାରେ ବନ୍ୟା ପରିସ୍ଥିତି ଦେଖାଦେଇଛି ।
ହାଇଦ୍ରାବାଦ ସହରରେ ପ୍ରବଳ ବର୍ଷା କାରଣରୁ 19 ଜଣଙ୍କ ମୃତ୍ୟୁ ହୋଇଥିବାବେଳେ 4 ଜଣ ନିଖୋଜ ଅଛନ୍ତି । ସେପଟେ ବର୍ଷା କାରଣରୁ ଯାତାୟତ ବାଧାପ୍ରାପ୍ତ ହେବା ସହ ତଳିଆ ଅଞ୍ଚଳରେ ବନ୍ୟା ସ୍ଥିତି ଦେଖାଦେଇଛି । ଲୋକଙ୍କୁ ଉଦ୍ଧାର କରିବା ପାଇଁ ଏନଡିଆରଏଫ ଟିମ୍ ନିୟୋଜିତ ହୋଇଛନ୍ତି । ତଳିଆ ଅଞ୍ଚଳ ଲୋକ ତଥା ଫସିରହିଥିବା ଲୋକଙ୍କୁ ସୁରକ୍ଷିତ ଭାବେ ଉଦ୍ଧାର କରିବା ସହ ସେମାନଙ୍କୁ ରିଲିଫ୍ ସାମଗ୍ରୀ ଯୋଗାଇ ଦିଆଯାଉଛି ।