ଡେରାଡୁନ: ଉତ୍ତରାଖଣ୍ଡରେ ବାଦଲ ଫଟା ବର୍ଷା । ଚଳିତ ମୌସୁମୀରେ ସବୁଠାରୁ ବେଶି କ୍ଷତି ହୋଇଛି ପିଥୋରାଗଡ ଜିଲ୍ଲାର । ଆଜିଠୁ ଠିକ ତିନିଦିନ ପୂର୍ବରୁ ବର୍ଷା ଓ ଭୂସ୍ଖଳନ ଯୋଗୁଁ ଅନେକ ଲୋକ ପ୍ରାଣ ହରାଇଥିଲେ । ହେଲେ ଜିଲ୍ଲାରେ ଲଗାଣ ବର୍ଷା ଜିଲ୍ଲାବାସୀଙ୍କ ନାକେଦମ କରିଛି । ବିଳମ୍ବିତ ରାତିରୁ ବର୍ଷା ଆରମ୍ଭ ହୋଇଥିବା ବେଳେ ପିଥୋରାଗଡର ମୁନ୍ସିୟାରୀ, ବାଗପାନି, ମାଲକୋଟ ଅଞ୍ଚଳରେ ପ୍ରବଳ କ୍ଷୟକ୍ଷତି ଘଟିଛି ।
ଉତ୍ତରାଖଣ୍ଡରେ ବାଦଲ ଫଟା ବର୍ଷା; 100 ଗାଁ ଯୋଗାଯୋଗରୁ ବିଚ୍ଛିନ୍ନ
ଲଗାଣ ବର୍ଷାରେ ବ୍ରିଜ ଧୋଇଯିବା ସହ ରାସ୍ତା ମଧ୍ୟ ଭାଙ୍ଗିଯାଇଛି। ଅନେକ ସ୍ଥାନରେ ଭୂସ୍ଖଳନ ହେତୁ ଘର ଭାଙ୍ଗିଯିବାର ସୂଚନା ରହିଛି। ଅନ୍ୟପଟେ ଲୋକମାନେ ଭୟଭୀତ ଅବସ୍ଥାରେ ଥିବା ବେଳେ ଘର ଛାଡି ବାହାରେ ଆଶ୍ରୟ ନେଇଛନ୍ତି । ଅନ୍ୟପଟେ କ୍ଷୟକ୍ଷତି ହୋଇଥିବା ଅଞ୍ଚଳ ମାନଙ୍କରେ ପ୍ରଶାସନ ପହଞ୍ଚିବା ନେଇ ମଧ୍ୟ ଅସୁବିଧା ଉପୁଜିଛି ।