ଅନ୍ତେବାସୀଙ୍କ ପାଇଁ ରେଡିଓ ସେବା, ମାନସିକ ଶାନ୍ତି ପାଇଁ ମନପସନ୍ଦ ଗୀତ

ଅନ୍ତେବାସୀଙ୍କ ଲାଗି ସକାଳେ ରେଡିଓରେ ବାଜୁଛି ଭଜନ। ସନ୍ଧ୍ୟାରେ କଏଦୀଙ୍କ ମନପସନ୍ଦ ଗୀତ ଓ ଖବର ପ୍ରସାରଣ। ଏ ଦୃଶ୍ୟ ହେଉଛି ଉତ୍ତରପ୍ରଦେଶ ହମିରପୁର ଜିଲ୍ଲା ମୁଖ୍ୟ କାରାଗାରର।

ଲକ୍ଷ୍ନୌ: ପ୍ରଥମଥର ପାଇଁ ଅନ୍ତେବାସୀଙ୍କ ପାଇଁ ଜେଲରେ ରେଡିଓ ସେବା। ତେବେ ଏ ଦୃଶ୍ୟ ହେଉଛି ଉତ୍ତରପ୍ରଦେଶ ହମିରପୁର ଜିଲ୍ଲା ମୁଖ୍ୟ କାରାଗାରର । ଅନ୍ତେବାସୀଙ୍କ ଲାଗି ସକାଳେ ରେଡିଓରେ ବାଜୁଛି ଭଜନ। ସେହିପରି ସନ୍ଧ୍ୟାରେ କଏଦୀଙ୍କ ମନପସନ୍ଦ ଗୀତ ଓ ଖବର ପ୍ରସାରଣ କରାଯାଉଛି।

ସୂଚନା ଅନୁସାରେ, ବିଭିନ୍ନ ଅପରାଧରେ ସଜ୍ଜା କାଟୁଥିବା ଅନ୍ତେବାସୀଙ୍କ ମଧ୍ୟରେ ଏକ ସକରାତ୍ମକ ମନୋଭାବ ଆଣିବା ପାଇଁ ଜେଲରେ ଏହି ରେଡିଓ ସେବା କରାଯାଇଛି। ଜେଲ କର୍ତ୍ତୃପକ୍ଷଙ୍କ କହିବାଅନୁସାରେ, ସକରାତ୍ମକ ମନୋଭାବ ଓ ଅନ୍ତେବାସୀଙ୍କୁ ମାନସିକ ଶାନ୍ତି ପ୍ରଦାନ ପାଇଁ ଏହି ବ୍ୟବସ୍ଥା କରାଯାଇଛି। ଯାହାଦ୍ବାରା ସେମାନଙ୍କୁ ବିଭିନ୍ନ ଗୁରୁତ୍ବପୂର୍ଣ୍ଣ ଘଟଣା ବିଷୟରେ ଖବର ମିଳିପାରିବ।