ଚଣ୍ଡିଗଡ଼: କୋରୋନା ପାଇଁ ହୋଇଥିବା ଲକଡାଉନ କାରଣରୁ ବହୁ ସଂଖ୍ୟକ ପ୍ରବାସୀ ଶ୍ରମିକ ନିଜ ଜୀବିକା ହରାଇବା ସହ ନିଜ ନିଜ ଗ୍ରାମକୁ ଫେରାଇଛନ୍ତି । କିନ୍ତୁ ଏଭଳି ସଙ୍କଟ ସମୟରେ ବଦାନ୍ୟତା ଦେଖାଇଛନ୍ତି ପଞ୍ଜାବର ବାର୍ନାଲା ଜିଲ୍ଲାର ଚାଷୀ । ପଞ୍ଜାବରେ ଏବେ ଧାନ ରୋଇବା ସମୟରେ ଚାଷୀମାନେ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି। ତେଣୁ ଏଭଳି ପରିସ୍ଥିତିରେ ପଞ୍ଜାବର ବାର୍ନାଲା ଜିଲ୍ଲାର କୃଷକମାନେ ନିଜେ ବିହାର ଏବଂ ୟୁପି ଯାଇ ସେଠାରୁ ଶ୍ରମିକ ଆଣିଛନ୍ତି। ଏହା ସହ ସେମାନଙ୍କୁ ଫୁଲମାଳ ପିନ୍ଧାଇ ସ୍ବାଗତ ମଧ୍ୟ କରିଛନ୍ତି ।
ବାର୍ନାଲା ଚାଷୀମାନେ ଦୁଇଟି ବସରେ ସମୁଦାୟ 60 ଶ୍ରମିକ ଆଣିଥିଲେ । ଏହି ସମୟ ମଧ୍ୟରେ ଭାରତୀୟ କୃଷକ ସଂଘ ଲଖ୍ଖୋୱାଲର ଜିଲ୍ଲା ମୁଖ୍ୟ ଜଗସୀର ସିଂ ଛିନିୱାଲ ଶ୍ରମିକଙ୍କ ଅଭାବ ସମ୍ପର୍କରେ ପ୍ରଶାସନ ଏବଂ ସରକାରୀ ଅଧିକାରୀଙ୍କୁ ଭେଟିଥିଲେ । ପରେ ପଞ୍ଜାବ ସରକାରଙ୍କ ଠାରୁ ଅନୁମତି ପାଇ ପ୍ରବାସୀ ଶ୍ରମିକ ଆଣିବା ପାଇଁ ଦୁଇଟି ବସ ପଠାଯାଇଥିଲା । ବିହାର ଏବଂ ୟୁପିର ଆସିଥିବା ଏହି ଶ୍ରମିକମାନଙ୍କର ପ୍ରଥମେ ଡାକ୍ତରୀ ଯାଞ୍ଚ କରାଯାଇ ସେମାନଙ୍କୁ ମାସ୍କ ଏବଂ ସାବୁନ ପ୍ରଦାନ କରାଯାଇଥିଲା । ଏହି ଶ୍ରମିକମାନଙ୍କୁ 3,600 କିଲୋମିଟର ଯାତ୍ରା କରିବା ପରେ ପଞ୍ଜାବକୁ ଅଣାଯାଇଛି ।