ମୁମ୍ବାଇ: ପ୍ରେମିକ ସହ ମିଶି ସ୍ବାମୀଙ୍କୁ ନପୁଂସକ କରିବାକୁ ଯୋଜନା କରିଥିଲା ସ୍ତ୍ରୀ । ମାତ୍ର ଏହି ଖବର ପାଇବା ମାତ୍ରେ ସ୍ବାମୀ ଯାଇ ପୋଲିସ ପାଖରେ ପହଞ୍ଚିଥିଲେ । ଏପରି ଘଟଣା ଦେଖିବାକୁ ମିଳିଛି ପୁନେର ମାଲୱାଡି ଅଞ୍ଚଳରେ । ଚେତନ ସୁଭାଷ ସୁରାଲେ ନିଜ ସ୍ତ୍ରୀଙ୍କ ବିରୋଧରେ ଏପରି ଅଭିଯୋଗ କରିଛନ୍ତି । ଏହପରେ ମାଲୱାଡୀ ପୋଲିସ ଅଭିଯୁକ୍ତ ସ୍ତ୍ରୀ ସ୍ମିତାଲ୍ ଓ ପ୍ରେମିକ କୌସ୍ତୁଭ୍ ଅନିଲ୍ ଗୋଗଟେ ବିରୋଧରେ ମାମଲା ରୁଜୁ କରିଛି ।
ଉଭୟ ଅଭିଯୁକ୍ତ ମେକାନିକାଲ୍ ଇଞ୍ଜିନିୟର । ଚେତନ ଏବଂ ସ୍ମିତାଲ୍ ମାର୍ଚ୍ଚରେ ବିବାହ କରିଥିଲେ। ଚେତନ ଜଣେ ସଫ୍ଟୱେୟାର ଇଞ୍ଜିନିୟର ଏବଂ ସ୍ମିତାଲ୍ ଜଣେ ମେକାନିକାଲ ଇଞ୍ଜିନିୟର । ସ୍ମିତାଲ୍ ତାଙ୍କ ବିବାହ ପୂର୍ବରୁ କୌସ୍ତୁଭଙ୍କ ସହ ପ୍ରେମ ସମ୍ପର୍କ ରଖିଥିଲେ। ବିବାହ ପରେ ପରସ୍ପରକୁ ନ ଦେଖିବା ପାଇଁ ସେମାନେ ନିଷ୍ପତ୍ତି ନେଇଥିଲେ। ତଥାପି ଦୁହେଁ ସମାନ କମ୍ପାନୀରେ ଥିବାରୁ ସେମାନଙ୍କର ପ୍ରେମ ସମ୍ପର୍କ ପୁଣି ଗଢି ଉଠିଥିଲା ।