ଶ୍ରମ ଆଇନ ବିରୋଧରେ ଆଜି ଦେଶବ୍ୟାପୀ ଆନ୍ଦୋଳନ

ଅର୍ଥନୀତିକୁ ଟ୍ରାକକୁ ଫେରାଇ ଆଣିବା ଓ ନୂତନ ନିବେଶକଙ୍କୁ ରାଜ୍ୟକୁ ଆମନ୍ତ୍ରଣ କରିବା ଉଦ୍ଦେଶ୍ୟରେ କେତେକ ରାଜ୍ୟ ଶ୍ରମ ଆଇନରେ ପରିବର୍ତ୍ତନ କରାଯାଇଛି । ଟ୍ରେଡ ୟୁନିଅନ ଏହି ପରିବର୍ତ୍ତନଗୁଡିକ ବିରୁଦ୍ଧରେ ।

ନୂଆଦିଲ୍ଲୀ: ଅର୍ଥନୀତିକୁ ଟ୍ରାକକୁ ଫେରାଇ ଆଣିବା ଓ ନୂତନ ନିବେଶକଙ୍କୁ ରାଜ୍ୟକୁ ଆମନ୍ତ୍ରଣ କରିବା ଉଦ୍ଦେଶ୍ୟରେ କେତେକ ରାଜ୍ୟ ଶ୍ରମ ଆଇନରେ ପରିବର୍ତ୍ତନ କରାଯାଇଛି । ଟ୍ରେଡ ୟୁନିଅନ ଏହି ପରିବର୍ତ୍ତନଗୁଡିକ ବିରୁଦ୍ଧରେ । ଏହି କ୍ରମରେ ରାଷ୍ଟ୍ରିୟ ସ୍ବୟଂ ସେବକ ସଂଘ ସହ ଜଡିତ ଭାରତ ଶ୍ରମିକ ସଂଗଠନ ମଧ୍ୟ ଦେଶବ୍ୟାପୀ ଆନ୍ଦୋଳନ କରିବାକୁ ନିଷ୍ପତ୍ତି ନେଇଛି।

ଭାରତ ଶ୍ରମିକ ସଂଗଠନ ଆଜି ସାରା ଦେଶରେ ବିକ୍ଷୋଭ ପ୍ରଦର୍ଶନ କରିବ। ରାଜସ୍ଥାନ, ଉତ୍ତରପ୍ରଦେଶ, ମଧ୍ୟପ୍ରଦେଶ, ଗୁଜୁରାଟ, ଗୋଆ, ଓଡିଶା, ମହାରାଷ୍ଟ୍ର ସରକାର ଶ୍ରମ ଆଇନରେ ପରିବର୍ତ୍ତନ କରିଛନ୍ତି। ଏହାକୁ ନେଇ ଭାରତୀୟ ଶ୍ରମିକ ସଂଗଠନ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯିବ। ଦିଲ୍ଲୀର ମ୍ୟୁନିସିପାଲିଟି କର୍ପୋରେସନ୍ ମୁଖ୍ୟାଳୟ ଓ କାର୍ଯ୍ୟାଳୟ, ଡିଟିସି ଡିପୋ, ଏସଡିଏମ୍ ଅଫିସ୍, ଦିଲ୍ଲୀ ବଜାରରେ ବିକ୍ଷୋଭ ପ୍ରଦର୍ଶନ କରାଯିବ।

ବିକ୍ଷୋଭ ସମୟରେ ସାମାଜିକ ଦୂରତା ଅନୁସରଣ କରାଯିବ ବୋଲି ଟ୍ରେଡ ୟୁନିୟନ ଦାବି କରିଛି। ଏହି ପ୍ରତିବାଦ ସକାଳ 9 ଟାରୁ ଦିନ 2 ଟା ପର୍ଯ୍ୟନ୍ତ ଚାଲିବ। ଭାରତ ଶ୍ରମିକ ସଂଗଠନର ଆଞ୍ଚଳିକ ସଂଗଠନ ମନ୍ତ୍ରୀ ପୱନ କୁମାର ମଧ୍ୟାହ୍ନ 12 ଟାରେ ରେଳ ଡାକ ସେବା କାର୍ଯ୍ୟାଳୟ ନୂଆଦିଲ୍ଲୀ ରେଳ ଷ୍ଟେସନରେ ଯୋଗଦେବେ।