ଡେରାଡୁନ: ଆଲୋକର ପର୍ବ ଦୀପାବଳିକୁ ସମସ୍ତେ ନିଜ ନିଜ ଢଙ୍ଗରେ ସେଲିବ୍ରେସନ କରିଛନ୍ତି । ତେବେ ଜେଲରେ ଥିବା କଏଦୀ ମଧ୍ୟ ଦୀପାବଳି ପାଳନ କରିବା ସହ ସମସ୍ତଙ୍କୁ ଏକ ଖାସ୍ ବାର୍ତ୍ତା ଦେଇଛନ୍ତି। ଉତ୍ତରାଖଣ୍ଡର ହଲଦିୱାନି ସହରରେ ଥିବା ଉପକାରାଗାରରେ ଜେଲ ପ୍ରଶାସନ ଓ କଏଦୀ ମିଳିତ ଭାବେ ଦୀପାବଳି ପାଳିଛନ୍ତି। ଏହି ଅବସରରେ 13ଶହ ଦୀପ ଜାଳି ଏକ ଭାରତର ନକ୍ସା ପ୍ରସ୍ତୁତ କରି ଭାଇଚାରାର ସନ୍ଦେଶ ଦେଇଛନ୍ତି କଏଦୀ।
ଦୀପରେ ଭାରତ ମାନଚିତ୍ର, ଭାଇଚାରାର ବାର୍ତ୍ତା ଦେଲେ କଏଦୀ
ଉତ୍ତରାଖଣ୍ଡର ହଲଦିୱାନି ସହରସ୍ଥିତ ଉପକାରାଗାରରେ ଥିବା କଏଦୀ ନିଜ ନିଜ ନାଁରେ ଦୀପ ଜାଳି ଭାରତର ନକ୍ସା ତିଆରି କରିଛନ୍ତି। ଯାହା ଭାଇଚାରା ସନ୍ଦେଶ ପ୍ରଦାନ କରୁଛି ବୋଲି କହିଛନ୍ତି ଜେଲ ସୁପରିଟେଣ୍ଡେଣ୍ଟ।
diwali
ଜେଲପ୍ରଶାସନ କଏଦୀଙ୍କ ପାଇଁ ମିଠା ଓ ବାଣ ଫୁଟାଇବାର ବ୍ୟବସ୍ଥା କରିଥିଲେ । ଜେଲର ସୁପରିଟେଣ୍ଡେଣ୍ଟ କହିଛନ୍ତି ଯେ, ଏହି ଖୁସିର ପର୍ବରେ କଏଦୀ ନିଜକୁ ଏକୁଟଆ ମନେ ନକରନ୍ତୁ। ଏନେଇ ଦୀପାବଳିର ବ୍ୟବସ୍ଥା କରିଥିଲୁ।ସେମାନେ ନିଜ ନିଜ ନାଁରେ ଦୀପ ଜାଳି ଭାରତର ନକ୍ସା ତିଆରି କରିଥିଲେ। ଯାହା ଭାଇଚାରାର ସନ୍ଦେଶ ପ୍ରଦାନ କରୁଛି।