ନୂଆଦିଲ୍ଲୀ: ଆଜି ଆଲୋକର ପର୍ବ ଦୀପାବଳୀ । ଏନେଇ ଉତ୍ସବମୁଖରିତ ସାରା ଦେଶ । କୋରୋନା କାଳରେ ମଧ୍ୟ ଏହାକୁ ଖୁସିରେ ଓ ପ୍ରଦୂଷଣ ମୁକ୍ତ ବନେଇବାକୁ ସମସ୍ତେ ଚେଷ୍ଟିତ । ତେବେ ଏହି ଅବସରରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ମୋଦି । ଏହି ପର୍ବ ସମସ୍ତଙ୍କ ଜୀବନରେ ଆହୁରୀ ଉଜ୍ଜ୍ୱଳତା ଓ ସୁଖ ଆଣୁ । ସମସ୍ତେ ସମୃଦ୍ଧ ଏବଂ ସୁସ୍ଥ ହୁଅନ୍ତୁ ବୋଲି ଟ୍ବିଟ ଯୋଗେ ମୋଦି ଶୁଭକାମନା ଜଣାଇଛନ୍ତି ।
ଏହାସହ ଦୀପାବଳିରେ ଦେଶରେ ସୈନିକଙ୍କ ପାଇଁ ଦୀପଟିଏ ଜାଳିବାକୁ ପ୍ରଧାନମନ୍ତ୍ରୀଙ୍କ ଆହ୍ବାନ ଦେଇଛନ୍ତି । ଯବାନ ମାନେ ଆମ ପାଇଁ ଯାହା କରୁଛନ୍ତି ତାହା ଶବ୍ଦରେ ବର୍ଣ୍ଣନା କରି ହେବ ନାହିଁ । ଯବାନଙ୍କ ପରିବାରକୁ କୃତଜ୍ଞତା ଜଣାଇଲେ ମୋଦି । ଏହି ବାର୍ତ୍ତା ପ୍ରଧାନମନ୍ତ୍ରୀ ତାଙ୍କର ମାସିକିଆ ରେଡିଓ କାର୍ଯ୍ୟକ୍ରମ ମନ କି ବାତ୍ ମାଧ୍ୟମରେ ପ୍ରକାଶ କରିଛନ୍ତି ।