ଗୁଜୁରାଟରେ 56 ନୂଆ କୋରୋନା ଆକ୍ରାନ୍ତ ଚିହ୍ନଟ, ମୋଟ 699

ବୁଧବାର ଗୁଜୁରାଟରେ 56 ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଗୁଜୁରାଟରେ ମୋଟ ଆକ୍ରାନ୍ତଙ୍କ ସଂଖ୍ୟା 699ରେ ପହଞ୍ଚିଥିବା ଗୁଜୁରାଟ ସ୍ବାସ୍ଥ୍ୟ ବିଭାଗ ସୂଚନା ଦେଇଛନ୍ତି ।

ଗାନ୍ଧୀନଗର: ସମଗ୍ର ଦେଶରେ ଥମିବାର ନା ନେଉନି କୋରୋନା ଆକ୍ରାନ୍ତଙ୍କ ସଂଖ୍ୟା । ଏହା ମଧ୍ଯରେ ବୁଧବାର ଗୁଜୁରାଟରେ 56 ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଗୁଜୁରାଟରେ ମୋଟ ଆକ୍ରାନ୍ତଙ୍କ ସଂଖ୍ୟା 699ରେ ପହଞ୍ଚିଥିବା ଗୁଜୁରାଟ ସ୍ବାସ୍ଥ୍ୟ ବିଭାଗ ସୂଚନା ଦେଇଛନ୍ତି ।

ଚିହ୍ନଟ ହୋଇଥିବା 56 ଆକ୍ରାନ୍ତ ଗୁଜୁରାଟର ଅହମ୍ମଦାବାଦ ଏବଂ ସୁରଟର ହୋଇଥିବା ଜଣାପଡିଛି । ଏଥିସହ ବର୍ତ୍ତମାନ ଗୁଜୁରାଟରେ କୋରୋନା ମୃତ୍ୟୁ ସଂଖ୍ୟା 30ରେ ପହଞ୍ଚିଛି ।

ପ୍ରକାଶ ଥାଉକି, ଦେଶରେ ମୋଟ କୋରୋନା ଆକ୍ରାନ୍ତଙ୍କ ସଂଖ୍ୟା 11,439ରେ ପହଞ୍ଚିଥିବା ବେଳେ 9756 ଆକ୍ରାନ୍ତ ଆକ୍ଟିଭ ଏବଂ1306ଜଣ ଆକ୍ରାନ୍ତ ସୁସ୍ଥ ହୋଇ ଘରକୁ ଫେରିଛନ୍ତି । ଏଥିସହ ବର୍ତ୍ତମାନ ସୁଦ୍ଧା ଦେଶରେ 377 ଆକ୍ରାନ୍ତଙ୍କ ମୃତ୍ୟୁ ଘଟିଥିବା କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ସୂଚନା ଦେଇଛନ୍ତି ।