ପୁଣି ଜଣେ ପୋଲିଂ ଅଧିକାରୀ ଗିରଫ

ଫରଦିବାଦର ଏକ ବୁଥରେ ଭୋଟରମାନଙ୍କୁ ଲାଞ୍ଚ ଦେଇ ଗିରଫ ହେଲେ ପୋଲିଂ ଅଧିକାରୀ ।

ଫରିଦାବାଦ: ଭୋଟରଙ୍କୁ ଲାଞ୍ଚ ଦେବାକୁ ଯାଇ ଗିରଫ ହେଲେ ପୋଲିଂ ଏଜେଣ୍ଟ । ଏଭଳି ଘଟଣା ଦେଖିବାକୁ ମିଳିଛି ହରିୟାଣାର ଫରିଦାବାଦରେ ବୁଥରେ ।

ସୂଚନା ଅନୁଯାୟୀ, ରବିବାର ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହୋଇଥିଲା । ଯେଉଁଥିରେ ଏକ ପୋଲିଂ ଏଜେଣ୍ଟ ଭୋଟରମାନେ ଭୋଟ ଦେଉଥିବା ସମୟରେ ତାଙ୍କୁ ଲାଞ୍ଚ ଦେଉଥିଲେ । ତେବେ ଏହାକୁ ଜଣେ ବ୍ୟକ୍ତି ନିଜ ମୋବାଇଲରେ ସୁଟିଂ କରି ସୋସିଆଲ ମିଡିଆରେ ଭାଇରାଲ କରିଥିଲେ । ଯାହାଫଳରେ ସୋମବାର ଏହି ଆଦାରରେ ପୋଲିଂ ଅଧିକାରୀଙ୍କୁ ଗିରଫ କରାଯାଇଛି ।

ନିର୍ବାଚନ ଆୟୋଗଙ୍କ କହିବା ଅନୁଯାୟୀ, ଫରିଦାବାଦ ଜିଲ୍ଲା ନିର୍ବାଚନ ଅଧିକାରୀ ଜଣାଇଥିଲେ ଯେ ଏକ ପୋଲିଂ ଏଜେଣ୍ଟକୁ ରବିବାର ଗିରଫ କରାଯାଇଥିଲା । ସେ ତିନିଜଣ ମହିଳାଙ୍କୁ ଭୋଟ ଦେବାପାଇଁ ପ୍ରଭାବିତ କରିବାକୁ ଚେଷ୍ଟା କରୁଥିଲେ । ତେଣୁ ଏନେଇ ତାଙ୍କ ନାମରେ ଏକ ମାମଲା ରୁଜୁ ହେବାପରେ ତାଙ୍କୁ ଗିରଫ କରାଯାଇଥିଲା । କିନ୍ତୁ ସେ କେଉଁ ସ୍ବତନ୍ତ୍ର ଦଳକୁ ଭୋଟ ଦେବା ପାଇଁ ପ୍ରଭାବିତ କରୁଥିଲେ, ତାହା ଏପର୍ଯ୍ୟନ୍ତ ଜଣାପଡିନାହିଁ ।