ମୋଦୀଙ୍କ କେଦାରନାଥ ଯାତ୍ରା ଆଚାର ସଂହିତା ଉଲ୍ଲଂଘନ ନୁହେଁ: ଅଜୟ ଭଟ୍ଟ

କଂଗ୍ରେସ ପକ୍ଷରୁ ମୋଦୀଙ୍କ ଆଚାର ସଂହିତା ଉଲ୍ଲଂଘନ ପ୍ରଶ୍ନର ଉତ୍ତର ଦେଇଛନ୍ତି ଭଟ୍ଟ । ସେ କହିଛନ୍ତି ଯେ, କେଦାରନାଥ ପିଏମ୍‌ ମୋଦୀ କେଦାରନାଥ କୌଣସି ନିର୍ବାଚନୀ ପ୍ରଚାର ପାଇଁ ଆସି ନାହିଁନ୍ତି ।

ଡେରାଡୁନ୍‌: ପିଏମ ମୋଦୀ ଦ୍ବିଦିବସୀୟ ଉତ୍ତରାଖଣ୍ଡ ଯାତ୍ରାରେ ଯାଇଛନ୍ତି । ପ୍ରଥମ ଦିନରେ ମୋଦୀ ବାବା କେଦାରନାଥଙ୍କ ଆର୍ଶୀବାଦ ନେଇଛନ୍ତି । ତେବେ ମୋଦୀଙ୍କ ଏହି ଗସ୍ତ କଂଗ୍ରେସ ପକ୍ଷରୁ ଆଚାର ସଂହିତା ଉଲ୍ଲଂଘନ ହୋଇଥିବା କହିଛନ୍ତି । ଏହି ପ୍ରଶ୍ନର ପ୍ରତିଉତ୍ତର ରଖିଛନ୍ତି ପ୍ରଦେଶ ବିଜେପି ଅଧ୍ୟକ୍ଷ ଅଜୟ ଭଟ୍ଟ ।

ବିଜେପି କହିଛି ଯେ, ମୋଦୀଙ୍କ ତପସ୍ଥଳୀ ହୋଉଛି କେଦାରନାଥ । ସେ କେବଳ ଆଜି ନୁହେଁ ପୂର୍ବରୁ ଅନେକ ଥର କେଦାରନାଥ ଧାମକୁ ଆସିଛନ୍ତି । ଏଥିସହ ଭଟ୍ଟ କହିଛନ୍ତି ଯେ, ପ୍ରଧାନମନ୍ତ୍ରୀ କେଦାରନାଥ ଧାମକୁ ନିର୍ବାଚନୀ ପ୍ରଚାର ନିମନ୍ତେ ଆସି ନାହାଁନ୍ତି । ଆତ୍ମିକ ଶାନ୍ତି ଓ ବିଶ୍ବ ଶାନ୍ତି କାମନା କରି ଏଠାକୁ ଆସିଛନ୍ତି ।

ସୂଚନାଥାଉକି, ମୋଦୀଙ୍କ କେଦାରନାଥ ଗସ୍ତକୁ କଂଗ୍ରେସ ପକ୍ଷରୁ ଆଚାର ସଂହିତାର ଉଲ୍ଲଂଘନ ହୋଇଥିବା ଦର୍ଶାଇଛି । ଏଥିସହ କଂଗ୍ରେସ ନିର୍ବାଚନ ଅଧିକାରୀଙ୍କ ନିକଟରେ ମଧ୍ୟ ଅଭିଯୋଗ କରିଛି ।