ମୋଦିଙ୍କୁ ଶ୍ରୀଲଙ୍କା ପ୍ରଧାନମନ୍ତ୍ରୀଙ୍କ ଆଗୁଆ ଶୁଭେଚ୍ଛା

ହେଲେ ଫଳାଫଳ ଆସିବା ପୂର୍ବରୁ ଏକଜିଟ ପୋଲରେ ବିଜେପି କର୍ମୀ ଖୁବ ଉତ୍ସାହିତ ଥିବାବେଳେ ବିଦେଶୀରୁ ମଧ୍ୟ ମୋଦିଙ୍କ ବିଜୟ ହେବା ନେଇ ଆଗୁଆ ଶୁଭେଚ୍ଛା ଜଣାଇଛନ୍ତି ଶ୍ରୀଲଙ୍କା ପ୍ରଧାନମନ୍ତ୍ରୀ ରାନିଲ ବିକ୍ରମସିଂଘେ ।

ନୂଆଦିଲ୍ଲୀ: ଆଜି ଦେଶର ସର୍ବବୃହତ ଗଣତନ୍ତ୍ରର ନିର୍ବାଚନ 2019ର ନିର୍ଣ୍ଣାୟକ ଦିନ । ହେଲେ ଫଳାଫଳ ଆସିବା ପୂର୍ବରୁ ଏକଜିଟ ପୋଲରେ ବିଜେପି କର୍ମୀ ଖୁବ ଉତ୍ସାହିତ ଥିବାବେଳେ ବିଦେଶୀରୁ ମଧ୍ୟ ମୋଦିଙ୍କ ବିଜୟ ହେବା ନେଇ ଆଗୁଆ ଶୁଭେଚ୍ଛା ଜଣାଇଛନ୍ତି ଶ୍ରୀଲଙ୍କା ପ୍ରଧାନମନ୍ତ୍ରୀ ରାନିଲ ବିକ୍ରମସିଂଘେ ।

ଶ୍ରୀଲଙ୍କା ପ୍ରଧାନମନ୍ତ୍ରୀ ରାନିଲ ଟ୍ବିଟ କରି ମୋଦିଙ୍କୁ ଆଗୁଆ ସରକାର ଗଠନ କରିବାକୁ ନେଇ ଶୁଭେଚ୍ଛା ଜଣାଇଛନ୍ତି । ସେ କହିଛନ୍ତି ଯେ, ଆମେ ମୋଦିଙ୍କ ସହ ପୁଣିଥରେ ଏକାଠି କାମ କରିବାକୁ ଉତ୍ସୁକତାର ସହ ଅପେକ୍ଷା କରିଛୁ ।

ନିର୍ବାଚନର ଫଳାଫଳ ଉପରେ କେବଳ ଭାରତ ନୁହେଁ, ପୁରା ବିଶ୍ବର ନଜର ରହିଛି । ସମସ୍ତେ ଉତ୍କଣ୍ଠାର ସହ ଫଳାଫଳକୁ ବାହାରିବାକୁ ଅପେକ୍ଷା କରିଛନ୍ତି ।