ନୂଆଦିଲ୍ଲୀ: ପୋଲିଂ ବୁଥରେ ମୋଦି ଲଗାଇଛନ୍ତି କ୍ୟାମେରା । ସବୁକିଛି ଦୃଶ୍ୟ କଏଦ ହେଉଛି ଏହି କ୍ୟାମେରାରେ । ଆଉ କେଉଁ ବ୍ୟକ୍ତି କେଉଁ ଦଳକୁ ଭୋଟ ଦେଉଛି ସେ ସବୁ ରେକର୍ଡ ହେବା ସହ ମୋଦି ସବୁ ଦେଖୁଛନ୍ତି । ତେବେ ଏହା କୌଣସି କାହାଣୀ ନୁହେଁ ବରଂ ଏପରି ମନ୍ତବ୍ୟ ଦେଇଛନ୍ତି ବିଜେପି ବିଧାୟକ ପ୍ରାର୍ଥୀ ରମେଶ କ୍ବାଟର ।
ଏକ ସାଧାରଣ ସଭାରେ ଉଦବୋଧନ ଦେବା ସମୟରେ ସେ ଏହା ମଧ୍ୟ କହିଛନ୍ତି ଯେ, ଯେଉଁ ବୁଥରେ ବିଜେପି କମ ଭୋଟ ପାଇବ ସେ ସବୁ ସ୍ଥାନରେ ସରକାରୀ ସୁବିଧାରୁ ବଞ୍ଚିତ କରାଯିବ । ବିଧାୟକଙ୍କ ଏହି ବିବାଦୀୟ ବୟାନ ବର୍ତ୍ତମାନ ସୋସିଆଲ ମିଡିଆରେ ବହୁ ମାତ୍ରାରେ ଭାଇରାଲ ହେବାରେ ଲାଗିଛି ।
ଏପରି ମନ୍ତବ୍ୟ ଦେଇ ଆଚରଣ ବିଧି ଉଲ୍ଲଙ୍ଘନ କରୁଥିବାରୁ ନିର୍ବାଚନ କମିଶନ ଉକ୍ତ ବିଧାୟକଙ୍କୁ କାରଣ ଦର୍ଶାଅ ନୋଟିସ ଜାରି କରିବ ସହ 24 ଘଣ୍ଟା ମଧ୍ୟରେ ଜବାବ ଦାଖଲ କରିବାକୁ ପରାମର୍ଶ ଦେଇଛନ୍ତି ।