'ବିକାଶ ରାସ୍ତାରେ ସ୍ପିଡ୍ ବ୍ରେକର ସାଜିଛନ୍ତି ମମତା'

ପଶ୍ଚିମ ବଙ୍ଗର ବିକାଶ ରାସ୍ତାରେ ସ୍ପିଡ ବ୍ରେକର ସାଜିଛନ୍ତି କୋଲକାତା ମୁଖ୍ୟମନ୍ତ୍ରୀ। ରାଜ୍ଯରେ ବିକାଶକୁ ମମତା ବାନାର୍ଜୀ ରୋକିବାର ପ୍ରୟାସ କରୁଥିବା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।

କୋଲକାତା: ଦିଦିଙ୍କ ଗଡରେ ଗର୍ଜିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ପଶ୍ଚିମବଙ୍ଗର ଏକ ରାଲିରେ ଜନସାଧାରଣଙ୍କୁ ସମ୍ବୋଧିତ କରି ଶାସକ ଦଳ ତୃଣମୂଳ କଂଗ୍ରେସ ଉପରେ ବର୍ଷିଛନ୍ତି ସେ । କୋଲକାତା ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଆକ୍ଷେପ କରି 'ସ୍ପିଡ୍ ବ୍ରେକର ଦିଦି' ବୋଲି କହିଛନ୍ତି ମୋଦି । ବିକାଶ ଦିଗରେ ସ୍ପିଡ୍ ବ୍ରେକର ସାଜିଛନ୍ତି କୋଲକାତା ମୁଖ୍ୟମନ୍ତ୍ରୀ ମମତା ବାନାର୍ଜୀ। ରାଜ୍ଯରେ ବିକାଶକୁ ରୋକିବାର ପ୍ରୟାସ କରୁଛନ୍ତି ସେ। କଂଗ୍ରେସ ଏବଂ ମମତା ବାନାର୍ଜୀଙ୍କୁ ଭୋଟ ନ ଦେବାପାଇଁ ସେ କହିଛନ୍ତି। ଦେଶର ଦାରିଦ୍ରତା ଦୂର କରିବା ପରିବର୍ତ୍ତେ ସେମାନେ ଗରିବୀକୁ ନେଇ ରାଜନୀତି କରୁଥିବା କହିଛନ୍ତି ସେ।

ଜଣେ ଗରିବ ଯେତେବେଳେ ରୋଗରେ ପଡେ ତା ପାଇଁ ସବୁଠୁ ବଡ ସମସ୍ଯା ହେଲା ଅର୍ଥ । ଆମ ସରକାର ଗରୀବଙ୍କ ଚିକିତ୍ସା ପାଇଁ ପ୍ରତି ବର୍ଷ 5 ଲକ୍ଷ ପର୍ଯ୍ୟନ୍ତ ଆର୍ଥିକ ସହାୟତାର ଘୋଷଣା କରିଛି। କିନ୍ତୁ ସ୍ପିଡ୍ ବ୍ରେକର ଦିଦି ପଶ୍ଚିମବଙ୍ଗରେ ଏହି ଯୋଜନା ଉପରେ ପ୍ରତିବନ୍ଧକ ଲଗାଇଛନ୍ତି।

ଦିଦି 70 ଲକ୍ଷରୁ ଅଧିକ କୃଷକ ପରିବାରର ବିକାଶରେ ମଧ୍ୟ ବ୍ରେକ୍ ଲଗାଇ ଦେଇଛନ୍ତି । ପିଏମ୍‌ କିଷାନ ଯୋଜନା ଜରିଆରେ ଦେଶର ସମସ୍ତ କୃଷକଙ୍କୁ ଟଙ୍କା ଯୋଗାଇ ଦିଆଯାଉଛି । କିନ୍ତୁ ଦିଦି ଏହି ଯୋଜନାରେ ମଧ୍ୟ ବ୍ରେକ୍ ଲଗାଇ ଦେଇଥିବା ସେ କହିଛନ୍ତି ।