କୋରୋନା ମୁକାବିଲା ନେଇ ପ୍ରଧାନମନ୍ତ୍ରୀଙ୍କ ସମୀକ୍ଷା ବୈଠକ

ଦେଶରେ କିପରି ଚାଲିଛି କୋରୋନା ମୁକାବିଲା ? କେତେ ବାଟ ଚାଲିଛି ଡାକ୍ତରମାନଙ୍କ ପାଇଁ ଅତ୍ୟାବଶ୍ୟକୀୟ ପର୍ସନାଲ ପ୍ରୋଟେକ୍ଟିଭ ଇକ୍ବିପମେଣ୍ଟ (ପିପିଇ)ର ପ୍ରସ୍ତୁତି ପ୍ରକ୍ରିୟା ? ଏସମସ୍ତ ପ୍ରଶ୍ନ ସହ ଦେଶରେ କୋରୋନା ସ୍ଥିତିର ସମୀକ୍ଷା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ନୂଆଦିଲ୍ଲୀ: ଦେଶରେ କିପରି ଚାଲିଛି କୋରୋନା ମୁକାବିଲା ? କେତେ ବାଟ ଚାଲିଛି ଡାକ୍ତରମାନଙ୍କ ପାଇଁ ଅତ୍ୟାବଶ୍ୟକୀୟ ପର୍ସନାଲ ପ୍ରୋଟେକ୍ଟିଭ ଇକ୍ବିପମେଣ୍ଟ (ପିପିଇ)ର ପ୍ରସ୍ତୁତି ପ୍ରକ୍ରିୟା ? ଏସମସ୍ତ ପ୍ରଶ୍ନ ସହ ଦେଶରେ କୋରୋନା ସ୍ଥିତିର ସମୀକ୍ଷା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପ୍ରଧାନମନ୍ତ୍ରୀଙ୍କ ପ୍ରମୁଖ ସଚିବ ପି କେ ମିଶ୍ରଙ୍କ ଅଧ୍ୟକ୍ଷତାରେ ଶୁକ୍ରବାର ଏହି ବୈଠକ ଆୟୋଜିତ ହୋଇଯାଇଛି ।

ଦେଶରେ କୋଭିଡ-19 ଟେଷ୍ଟିଂର କ୍ଷମତା ଓ ସ୍ଥିତି ପରଖିଥିଲେ ପ୍ରଧାନମନ୍ତ୍ରୀ । ଯେଉଁଥିରେ ସ୍ପଷ୍ଟ କରାଯାଇଥିଲା କି ବର୍ତ୍ତମାନ ସୁଦ୍ଧା ଦେଶରେ 1,45,916ଟି ସ୍ବାବ ନମୂନା ପରୀକ୍ଷା କରାଯାଇଛି । ଏଥିସହ ଦେଶ ପାଇଁ ଅହରହ କାମ କରୁଥିବା ଡାକ୍ତରୀ କର୍ମଚାରୀମାନଙ୍କୁ ସୁରକ୍ଷାକୁ ନଜରରେ ରଖି ପିପିଇର ପ୍ରସ୍ତୁତିକୁ ତ୍ବରାନ୍ବିତ କରାଯାଇଛି । ଦେଶରେ କୋଣ ଅନୁକୋଣରେ ଏନଜିଓ ଓ ସିଭିଲ ସୋସାଇଟି ଦଳକୁ ମୋବିଲାଇଜ କରାଯାଉଛି ।

ପ୍ରତିଟି ଲୋକଙ୍କ ପାଖରେ କିପରି କୋଭିଡ-19 ସଂକ୍ରମଣ ଆଧାରିତ ସତର୍କ ସଚେତନତା ବାର୍ତ୍ତା ପହଞ୍ଚିପାରିବ ସେନେଇ ଗୁରୁତ୍ବାରୋପ କରିଛନ୍ତି ପ୍ରଧାନମନ୍ତ୍ରୀ । ସେପଟେ ବୈଠକରେ ଅସହାୟଙ୍କୁ ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନା ଆଧରରେ ରିଲିଫ ଯୋଗାଣ ନେଇ ମଧ୍ୟ ସ୍ଥିତିର ସମୀକ୍ଷା ହୋଇଥିଲା ।

ସୂଚନା ଅନୁଯାୟୀ ଗତ ମାର୍ଚ୍ଚ 29ରେ କେନ୍ଦ୍ର ସରକାର 11ଟି ବିକଶିତ ଦଳକୁ କୋରୋନା ସଂକ୍ରମଣ ସହ ଲଢେଇରେ ଆବଶ୍ୟକ ପଦକ୍ଷେପର ସମୀକ୍ଷା କରିବା ପାଇଁ ନିୟୋଜିତ କରିଥିଲେ । ସେପଟେ ବୈଠକରେ ଏହି 21 ଦିନର ଲକଡାଉନରେ ଦେଶରେ କୋରୋନା ସ୍ଥିତିରେ ସୁଧାର ଆସିବା ନେଇ ଆଶା ପ୍ରକାଶ କରିଛନ୍ତି ପ୍ରଧାନମନ୍ତ୍ରୀ ମୋଦି ।

ବ୍ୟୁରୋ ରିପୋର୍ଟ, ଇଟିଭି ଭାରତ