ନୂଆଦିଲ୍ଲୀ: ମାଳଦୀପ ଓ ଶ୍ରୀଲଙ୍କାରୁ ଦ୍ବିପାକ୍ଷିକ ଗସ୍ତ ସାରି ଫେରିଥିବା ପ୍ରଧାନମନ୍ତ୍ରୀ ମୋଦି ଏବେ ଏସସିଓ ଶିଖର ସମ୍ମିଳନୀରେ ଯୋଗ ଦେବେ । କିର୍ଗିଜସ୍ଥାନରେ ହେବାକୁ ଥିବା ଏସସିଓ ଶିଖର ସମ୍ମିଳନୀରେ ଯୋଗ ଦେବା ପାଇଁ ମୋଦି ଜୁନ 13 ତାରିଖ ସକାଳେ ବିଶ୍କେକ ଯାଉଥିବା ବେଳେ ସେଠାରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ସହ ମୁହାଁମୁହିଁ ହେବେ ।
ଏସସିଓ ଶିଖର ସମ୍ମିଳନୀରେ ବର୍ତ୍ତମାନ ଯାଏ ପାକିସ୍ତାନ ନେତାଙ୍କ ସହ କୌଣସି ଦ୍ବିପାକ୍ଷିକ କିମ୍ବା ଔପଚାରିକ ସାକ୍ଷାତକାର ହେବ ନାହିଁ ବୋଲି ବିଦେଶ ମନ୍ତ୍ରାଳୟ ପକ୍ଷରୁ କୁହାଯାଇଛି । କିନ୍ତୁ ବିଶ୍ବ ମଞ୍ଚରେ ଦୁଇ ନେତା ଆମନା ସାମନା ହେବା ସମୟରେ ଅନୌପଚାରିକ ସମ୍ବାଦକୁ ଏଡାଇ ଦିଆଯାଇ ନପାରେ ।