ବିଶ୍ବକୁ ପ୍ଲାଷ୍ଟିକ ଭୟ, ବଢାଉଛି ରୋଗ

ପ୍ଲାଷ୍ଟିକ ବିରୋଧରେ ଜାରି ଆମର ଲଢେଇ । ଆପଣ ଜାଣିଛନ୍ତି କି, ପ୍ଲାଷ୍ଟିକ କେବଳ ପ୍ରଦୂଷଣ ସୃଷ୍ଟି କରେ ତାହା ନୁହେଁ, ଏହା ଅନେକ ରୋଗର ମଧ୍ୟ କାରଣ । ପ୍ଲାଷ୍ଟିକ ମୁକ୍ତ ଭାରତ ଚାଲିଥିବା ଅଭିଯାନରେ ପଢନ୍ତୁ ଆମର ସ୍ବତନ୍ତ୍ର ଉପସ୍ଥାପନା...

କୁରୁକ୍ଷେତ୍ର:ସମଗ୍ର ବିଶ୍ବ ପାଇଁ ମୁଣ୍ଡ ବିନ୍ଧାର କାରଣ ପାଲଟିଛି ପ୍ଲାଷ୍ଟିକ ବର୍ଜ୍ୟବସ୍ତୁ। ଦିନକୁ ଦିନ ପ୍ଲାଷ୍ଟିକ ବ୍ୟବହାର ବୃଦ୍ଧି ପାଇବାରେ ଲାଗିଛି । ବିଶେଷକରି ଏକକ ବ୍ୟବହୃତ ପ୍ଲାଷ୍ଟିକର ବ୍ୟବହାର ସମଗ୍ର ଦୁନିଆ ପାଇଁ ଚିନ୍ତାର କାରଣ ପାଲଟିଛି। ଏପଟେ ପ୍ଲାଷ୍ଟିକ ଆବର୍ଜନା, ଭାରତ ଭଳି ବିକାଶଶୀଳ ରାଷ୍ଟ୍ରର ସମସ୍ୟାକୁ ଦ୍ବିଗୁଣିତ କରିଛି । କାରଣ ଏଠାରେ ଅଳିଆ ସଂଗ୍ରହ ଓ ଏହାର ପୁନଃବିନିଯୋଗ କରିବା ବ୍ୟବସ୍ଥା ଅକ୍ଷମ ବା ନଗଣ୍ୟ ହୋଇଥାଏ ।

ଅନ୍ୟପଟେ ପ୍ରତିଦିନ ଦେଶରେ 26 ହଜାର ଟନ୍ ପ୍ଲାଷ୍ଟିକ ବର୍ଜ୍ୟବସ୍ତୁ ଉତ୍ପନ ହୁଏ ବୋଲି ଅନୁମାନ କରିଛି କେନ୍ଦ୍ର ପ୍ରଦୂଷଣ ନିୟନ୍ତ୍ରଣ ବୋର୍ଡ। ସବୁଠୁ ବଡକଥା ହେଉଛି, ପ୍ରତିଦିନ 10 ହଜାର ଟନରୁ ଅଧିକ ପ୍ଲାଷ୍ଟିକ ଆବର୍ଜନା ଗୁଡିକର ପୁନଃବ୍ୟବହାର ହୋଇପାରେ ନାହିଁ । ଏସମ୍ପର୍କରେ ଅଧିକ ଜାଣିବା ପାଇଁ ହୃଦ୍‌ରୋଗ ଓ ଶ୍ବାସରୋଗ ବିଶେଷଜ୍ଞ ଡକ୍ଟର ଶୌଳେନ୍ଦ୍ର ସାଇନିଙ୍କ ସହ ଆଲୋଚନା କରିଥିଲା ଆମ ଇଟିଭି ଭାରତ ଟିମ୍ ।

ଡ. ସାଇନି କେବଳ ଶ୍ବାସ ରୋଗୀଙ୍କ ସହ କାମ କରୁଛନ୍ତି ତାହା ନୁହେଁ, ସେ ପ୍ଲାଷ୍ଟିକ ସମ୍ପର୍କରେ ଅଧ୍ୟୟନ ମଧ୍ୟ କରୁଛନ୍ତି । ପ୍ଲାଷ୍ଟିକ ଦ୍ବାରା ହେଉଥିବା ରୋଗ ଏବଂ ପ୍ଲାଷ୍ଟିକ ଜଳିଲେ ତା ଧୂଆଁରୁ ହେଉଥିବା ରୋଗ ସମ୍ପର୍କରେ ବିସ୍ତୃତ ଭାବରେ କରିଛନ୍ତି ଆଲୋଚନା । ପ୍ଲାଷ୍ଟିକ ଭୟାବହତା ଦେଖି ଲୋକଙ୍କୁ ପ୍ଲାଷ୍ଟିକର ବିକଳ୍ପକୁ ବ୍ୟବହାର କରିବାକୁ ସେ କରିଛନ୍ତି ନିବେଦନ ।

ବ୍ୟୁରୋ ରିପୋର୍ଟ, ଇଟିଭି ଭାରତ