ଉଦୟପୁର: ଆପଣ ମଣିଷଙ୍କ ନିଶା ଅଭ୍ୟାସ କଥା ଶୁଣିଥିବେ। ଆଉ ଏଥିପାଇଁ ହେଉଥିବା ଅସୁବିଧା ବିଷୟରେ ଅବଗତ ଥିବେ । ହେଲେ କେବେ ଶୁଣିଛନ୍ତି କି ପଶୁପକ୍ଷୀଙ୍କର ବି ନିଶାସେବନ ଅଭ୍ୟାସ ଥାଏ ବୋଲି। କେବେ ଶୁଣିନଥିବେ। ଏମିତି ନିଶା ଯେ ନିଜ ଜୀବନ ବାଜି ଲଗାଇବାକୁ ମଧ୍ୟ ସେମାନେ ପଛାଉ ନାହାଁନ୍ତି । ଏପରି ଘଟଣା ଦେଖିବାକୁ ମିଳିଛି ରାଜସ୍ଥାନରେ। ପକ୍ଷୀଙ୍କର ଏହି ନିଶା ଏବେ ଚାଷୀଙ୍କ ପାଇଁ ଚିନ୍ତାର ବିଷୟ ପାଲଟିଛି।
ରାଜସ୍ଥାନର ଉଦୟପୁରରେ ଅଫିମ ଉତ୍ପାଦନ କରୁଥିବା ଚାଷୀ ଏବେ ପଡିଛନ୍ତି ହରଡଘଣାରେ। କାରଣ କିଛି ଶୁଆ ପ୍ରତିଦିନ ଚାଷ ଜମିରେ ଆସି ଭିଡ ଜମାଉଛନ୍ତି। ଯେତେ ଯାହା କଲେ ବି କିଛି ଲାଭ ନାହିଁ। ପ୍ରଥମେ ଶୁଆ ଘଉଡାଇବା ପାଇଁ ଜାଲ ମଧ୍ୟ ପକାଇଥିଲେ ଚାଷ । ହେଲେ କିଛି ଲାଭ ନାହିଁ।