ପାଟଣା:ମୁଙ୍ଗେର ଜିଲ୍ଲାରେ ଜେଡିୟୁ ପ୍ରାର୍ଥୀଙ୍କ ସମର୍ଥନରେ ଆୟୋଜିତ ସାଧାରଣ ସଭାରେ ଉତ୍ତେଜନା । ସିଏମ ନୀତିଶ କୁମାରଙ୍କ ହେଲିକପ୍ଟର ଅବତରଣ ସମୟରେ ହଠାତ୍ ବିଶୃଙ୍ଖଳା ଦେଖାଦେଇଥିଲା । ବାସ୍ତବରେ, ହେଲିକପ୍ଟର ଅବତରଣ କରିବା ବେଳେ ପ୍ରବଳ ବେଗରେ ପବନ ବହିବାରୁ ସଭା ସ୍ଥଳ ପେଣ୍ଡାଲ୍ ଉଡ଼ି ଯାଇଥିଲା । ଘଟଣାସ୍ଥଳରେ ଉପସ୍ଥିତ ଥିବା ସୁରକ୍ଷା କର୍ମୀ ପରେ ପରିସ୍ଥିତିକୁ ନିୟନ୍ତ୍ରଣ କରିଥିଲେ।
୨୦୨୦ ବିହାର ନିର୍ବାଚନକୁ ନେଇ ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ନିର୍ବାଚନୀ ସଭା ଆରମ୍ଭ ହୋଇ ସାରିଛି । ବୁଧବାର ସିଏମ ନୀତିଶ କୁମାର ମୁଙ୍ଗେର ଜିଲ୍ଲାର ତାରାପୁର ବିଧାନସଭା ଆସନରୁ ଜେଡିୟୁ ପ୍ରାର୍ଥୀ ମେଓ୍ବାଲାଲ ଚୌଧୁରୀଙ୍କ ସପକ୍ଷରେ ନିର୍ବାଚନ ରାଲି କରିବା ପାଇଁ ପହଞ୍ଚିଥିଲେ ।