ଦକ୍ଷିଣ କୋରିଆରେ ଲାଗିଲା ଭାରତ ବିରୋଧୀ ନାରା, କଡା ଜବାବ ଦେଲେ ବିଜେପି ନେତ୍ରୀ

ଦକ୍ଷିଣ କୋରିଆର ସିୟୋଲରେ ଧାରା 370 ଉଚ୍ଛେଦ ପ୍ରସଙ୍ଗକୁ ନେଇ ଭାରତ ଏବଂ ପ୍ରଧାନମନ୍ତ୍ରୀ ମୋଦିଙ୍କ ବିରୋଧରେ ନାରାବାଜି କରିଥିଲେ କିଛି ପାକିସ୍ତାନୀ ସମର୍ଥକ । ଯାହାର କଡା ଜବାବ ଦେଲେ ବିଜେପି ନେତ୍ରୀ ଶାଜିୟା ଇଲ୍ମୀ ।

ପ୍ୟୋଙ୍ଗୟାଙ୍ଗ: ଦକ୍ଷିଣ କୋରିଆର ସିୟୋଲରେ ଶନିବାର ବିଜେପି ଏବଂ ଆରଏସଏସ ନେତାଙ୍କର ପାକିସ୍ତାନୀ ସମର୍ଥକଙ୍କ ସହ ଆମ୍ନା-ସାମ୍ନା ହୋଇଛି । ଜମ୍ମୁ-କାଶ୍ମୀରୁ ଧାରା 370 ଉଚ୍ଛେଦ ପ୍ରସଙ୍ଗକୁ ନେଇ ଭାରତ ଏବଂ ପ୍ରଧାନମନ୍ତ୍ରୀ ମୋଦିଙ୍କ ବିରୋଧରେ ନାରାବାଜି କରିଥିଲେ କିଛି ପାକିସ୍ତାନୀ ସମର୍ଥକ । ଏହି ସମୟରେ ବିଜେପି ନେତା ଶାଜିୟା ଇଲ୍ମୀ ଏବଂ ଆରଏସଏସର କିଛି ସଦସ୍ୟ ଏହାର ବିରୋଧ କରିଥିଲେ ।

ସେମାନେ ପ୍ରଥମେ ମୋଦି ସରକାରଙ୍କ ନିଷ୍ପତ୍ତି ବିଷୟରେ ପାକିସ୍ତାନୀ ସମର୍ଥକଙ୍କୁ ବୁଝାଇଥିଲେ । ତେବେ ପାକିସ୍ତାନ ସମର୍ଥକ ନମାନିବାରୁ ସେମାନେ ଭାରତ ପକ୍ଷରେ ନାରାବାଜି ଆରମ୍ଭ କରିଥିଲେ ସୂଚନାଯୋଗ୍ୟ ଯେ, ଜମ୍ମୁ-କାଶ୍ମୀରରୁ ଧାରା 370 ଉଚ୍ଛେଦ ପରଠାରୁ ଭାରତ ଏବଂ ପାକିସ୍ତାନ ମଧ୍ୟରେ ବିବାଦ ଜୋର ଧରିଛି ।