ନୂଆଦିଲ୍ଲୀ: ଶିଖ ମାନଙ୍କର ମୁଖ୍ୟ ପର୍ବ ବୈଶାଖୀ । ଏହି ଦିନ ଠାରୁ ପଞ୍ଜାବୀଙ୍କର ନୂଆବର୍ଷ ଆରମ୍ଭ ହୋଇଥାଏ। ଏହି ପର୍ବରେ ପ୍ରତିବର୍ଷ ଭାରତୀୟ ଶିଖ ପାକିସ୍ତାନକୁ ତୀର୍ଥଯାତ୍ରାରେ ଯାଇଥାନ୍ତି। ସେହିପରି ପାକିସ୍ତାନ ଶ୍ରଦ୍ଧାଳୁ ମାନେ ମଧ୍ୟ ଭାରତ ଆସିଥାନ୍ତି। ଚଳିତବର୍ଷ ମଧ୍ୟ ଭାରତୀୟ ଶିଖକୁ ପାକିସ୍ତାନ ଯିବାକୁ ଅନୁମତି ମିଳିଛି ।
ସୂଚନାନୂଯାୟୀ, ବୈଶାଖୀ ପାଇଁ 12 ରୁ 21 ତାରିଖ ପର୍ଯ୍ୟନ୍ତ ଭାରତର 22 ଶହ ଶିଖ ତୀର୍ଥଯାତ୍ରୀଙ୍କୁ ପାକିସ୍ତାନ ଯିବାକୁ ଭିସା ଦିଆଯାଇଛି। ଏନେଇ ସୂଚନା ଦେଇଛନ୍ତି ପାକିସ୍ତାନ ହାଇ କମିଶନ । ଭାରତ-ପାକ ପ୍ରୋଟୋକଲ ଜରିଆରେ ପ୍ରତିବର୍ଷ ବହୁସଂଖ୍ୟାରେ ଭାରତରୁ ଶ୍ରଦ୍ଧାଳୁ ପାକିସ୍ତାନକୁ ଯାଇଥାନ୍ତି ।