ସମଝୌତା ଏକ୍ସପ୍ରେସ ବାତିଲ କଲା ପାକିସ୍ତାନ

ଭାରତ-ପାକିସ୍ତାନ ମଧ୍ୟରେ ଘନୀଭୂତ ହୋଇଛି ଅଘୋଷିତ ଯୁଦ୍ଧ ପରିସ୍ଥିତି। ଏହା ଭିତରେ ବଡ ଖବର ଆସିଛି। ପାକିସ୍ତାନ ସମଝୌତା ଏକ୍ସପ୍ରେସକୁ ବାତିଲ କରିଛି।

ନୂଆଦିଲ୍ଲୀ: ଆତଙ୍କବାଦୀଙ୍କ କ୍ୟାମ୍ପ ଉପରେ ଭାରତ ଏୟାର ଷ୍ଟ୍ରାଇକ୍‌ କରିବା ପରେ ଏବେ ଭାରତ-ପାକିସ୍ତାନ ମଧ୍ୟରେ ଘନୀଭୂତ ହୋଇଛି ଅଘୋଷିତ ଯୁଦ୍ଧ ପରିସ୍ଥିତି । ଦୁଇ ଦେଶ ମୁହାଁମୁହିଁ ହୋଇଛନ୍ତି । ତିକ୍ତତା ବୃଦ୍ଧି ପାଇବା ସହ ଦୁଇଦେଶ ହାଇଆଲର୍ଟ ଭିତରେ ରହିଛନ୍ତି । ଏହି ଭିତରେ ବଡ ଖବର ଆସିଛି। ପାକିସ୍ତାନ ସମଝୌତା ଏକ୍ସପ୍ରେସକୁ ବାତିଲ କରିଛି ।

ପରିସ୍ଥିତିକୁ ଦୃଷ୍ଟିରେ ରଖି ପାକିସ୍ତାନ ଲାହୋରରୁ ଅଟାରୀ ଯାଏଁ ଚଳାଚଳ କରୁଥିବା ସମଝୌତା ଏକ୍ସପ୍ରେସକୁ ବାତିଲ କରିଛି। 22ଜୁଲାଇ 1976ରୁ ଏହି ଟ୍ରେନ ସେବା ଆରମ୍ଭ କରାଯାଇଥିଲା।