ହାଇଦ୍ରାବାଦ: ଦିଲ୍ଲୀ ହିଂସାକୁ ନେଇ ମୋଦି ସରକାରଙ୍କୁ ଏଆଇଏମଆଇଏମ ଦଳର ଅଧ୍ୟକ୍ଷ ଅସଦୁଦ୍ଦିନ ଓୱେସୀଙ୍କ ଟାର୍ଗେଟ । ଦେଶରେ ମୋଦି ଶତ୍ରୃତା ବୃଦ୍ଧି କରିଛନ୍ତି ବୋଲି ଅଭିଯୋଗ କରିଛନ୍ତି ଓୱେସୀ । ହାଇଦ୍ରାବାଦ ଏମଆଇଏମ ବିଶ୍ବବିଦ୍ୟାଳୟର ବାର୍ଷିକ ଉତ୍ସବରେ ଯୋଗ ଦେଇ କେନ୍ଦ୍ର ସରକାରଙ୍କ ଉପରେ ଜୋରଦାର ବର୍ଷିଛନ୍ତି ସେ ।
ଦିଲ୍ଲୀ ଦଙ୍ଗା, ମୋଦି ସରକାର ଉପରେ ବର୍ଷିଲେ ଓୱେସି
ଦିଲ୍ଲୀରେ ଦଙ୍ଗା ହେଉଥିବାବେଳେ ପ୍ରଧାନମନ୍ତ୍ରୀ କାହିଁକି ଚୁପ୍ । ଦେଶରେ ଶାନ୍ତି ନିରାପତ୍ତା ରକ୍ଷା କରିବା ସରକାରଙ୍କ ଉତ୍ତର ଦାୟିତ୍ବ । ସେ ଆହୁରି କହିଥିଲେ କି, ‘ଆଶା ଥିଲା ଗୁଜୁରାଟ ଦଙ୍ଗା ମୋଦିଙ୍କୁ କିଛି ଶିଖାଇବ ହେଲେ ଦିଲ୍ଲୀ ଦଙ୍ଗା ଦେଖି ସେ ଆଶା ସବୁ ମରିଯାଇଛି’ । ଏହି ଅବସରରେ ଦଙ୍ଗାରେ ପ୍ରାଣ ହରାଇଥିବା ବ୍ୟକ୍ତିଙ୍କ ପ୍ରତି ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ ସେ ।