ନୂଆଦିଲ୍ଲୀ: କୋରୋନା ସଙ୍କଟ ମଧ୍ୟରେ ଭାରତରେ ବର୍ତ୍ତମାନ ଆନ୍ତର୍ଜାତିକ ବିମାନ ଚଳାଚଳ ବନ୍ଦ ରହିଛି । ମହାମାରୀର ପ୍ରାରମ୍ଭିକ ପର୍ଯ୍ୟାୟରେ ଦେଶରେ ଘରୋଇ ବିମାନ ଚଳାଚଳ ମଧ୍ୟ ବନ୍ଦ ରହିଥିଲା । ହେଲେ ଗତ 22 ତାରିଖରୁ ଏହା ପୁନର୍ବାର ଆରମ୍ଭ ହୋଇଛି । ଇତିମଧ୍ୟରେ ଲୋକମାନେ ଆନ୍ତର୍ଜାତିକ ବିମାନ ଚଳାଚଳ ଆରମ୍ଭ କରିବା ନେଇ ସୋସିଆଲ ମିଡିଆ ମାଧ୍ୟମରେ ବାରମ୍ବାର ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ ସିଂ ପୁରୀଙ୍କୁ ଘେରିବାକୁ ଉଦ୍ୟମ କରୁଛନ୍ତି ।
ଆନ୍ତର୍ଜାତୀୟ ବିମାନ ଚଳାଚଳ ନେଇ ୟୁଜର୍ସଙ୍କୁ ଏମିତି କହିଲେ ହରଦୀପ ସିଂ ପୁରୀ ଅପରପକ୍ଷେ ଟ୍ବିଟରରେ ଜଣେ ୟୁଜର୍ସ ଅଗଷ୍ଟ ପୂର୍ବରୁ ଆନ୍ତର୍ଜାତିକ ବିମାନ ଚଳାଚଳ ସେବା ଆରମ୍ଭ ନକରିବାକୁ ଲେଖିଛନ୍ତି । ବିଦେଶକୁ ବିମାନ ଚଳାଚଳ ଆରମ୍ଭ ହେବା ଦ୍ବାରା କୋରୋନା ସଂକ୍ରମଣର ବିପଦ ବଢିବାର ସମ୍ଭାବନା ରହିଛି ବୋଲି କହିଛନ୍ତି ।
ୟୁଜର୍ସଙ୍କ ଏହି ଟ୍ବିଟର ଜବାବ ଦେଇ ହରଦୀପ ସିଂ ପୁରୀ କହିଛନ୍ତି ଯେ, ଏହି କଥା ଆପଣଙ୍କୁ ଟ୍ରୋଲର୍ସଙ୍କୁ କହିବାକୁ ପଡିବ ଯେଉଁମାନେ ମୋତେ ପ୍ରତିଦିନ ବିଦେଶକୁ ବିମାନ ସେବା ଆରମ୍ଭ କରିବା ପାଇଁ ଦାବି କରୁଛନ୍ତି । ତେବେ ତାଙ୍କର ଏହି ଟ୍ବିଟରେ ଅନେକ ୟୁଜର୍ସ କମେଣ୍ଟ ମଧ୍ୟ କରୁଛନ୍ତି ।
ପ୍ରକାଶ ଥାଉ କି, ବନ୍ଦେ ଭାରତ ମିଶନ ଅଧୀନରେ ବିଦେଶରେ ଫସି ରହିଥିବା ଭାରତୀୟ ନାଗରିମାନଙ୍କୁ ସ୍ବଦେଶ ଫେରାଇ ଆଣିବା କାର୍ଯ୍ୟ ଜାରି ରହିଛି । ହରଦୀପ ସିଂ ପୁରୀ କହିଛନ୍ତି ଯେ, ବର୍ତ୍ତମାନ ଅନେକ ଦେଶରେ ପ୍ରବେଶ ନିଷେଧ ରହିଛି । ସବୁ ଦିଗକୁ ଦୃଷ୍ଟିରେ ରଖି ବିମାନ ସେବା ପୁଣି ଆରମ୍ଭ ହେବ । ସେ ଆହୁରି ମଧ୍ୟ କହିଛନ୍ତି କି, ଯେତେବେଳେ ବିଭିନ୍ନ ଦେଶ ବିଦେଶୀ ଯାତ୍ରୀଙ୍କୁ ନିଜ ଦେଶରେ ପ୍ରବେଶ ଉପରେ ଲଗାଇଥିବା ପ୍ରତିବନ୍ଧକ ହଟାଇବ ସେତେବେଳେ ନିୟମିତ ଆନ୍ତର୍ଜାତୀୟ ବିମାନ ଉଡ଼ାଣ ଆରମ୍ଭ କରିବାକୁ ନିଷ୍ପତ୍ତି ନିଆଯିବ ।
