ନୂଆଦିଲ୍ଲୀ: ଲୋକସଭାରେ ଆଜି ସମାଜବାଦୀ ପାର୍ଟି ସାଂସଦ ଆଜମ ଖାନଙ୍କ କ୍ଷମା ପ୍ରାର୍ଥନାକୁ ନେଇ ହଟ୍ଟଗୋଳ ଦେଖାଦେଇଛି । ବିଜେପିର ବିହାର ସାଂସଦ ରମାଦେବୀଙ୍କୁ ଦେଇଥିବା ମନ୍ତବ୍ୟ ପ୍ରସଙ୍ଗରେ ସେ ଆଜି କ୍ଷମା ମାଗିଥିଲେ । ଗୃହରେ ସମସ୍ତ ସଦସ୍ୟଙ୍କ ଉପସ୍ଥିତିରେ ସେ ଏହି କ୍ଷମା ପ୍ରାର୍ଥନା କରିଥିଲେ ।
ତେବେ ଏହି ଅବସରରେ ବାଚସ୍ପତି ଓମ ବିର୍ଲା ସମସ୍ତ ସଦସ୍ୟ ଓ ମନ୍ତ୍ରୀଙ୍କୁ ଏକ ପରାମର୍ଶ ଦେଇଥିଲେ । ବାଚସ୍ପତି କହିଥିଲେ ଯେ ଏହି ଗୃହ ଆପଣ ସମସ୍ତଙ୍କର । ସମସ୍ତଙ୍କ ସହମତିରେ ଗୃହ ଚାଲେ । ଆପଣମାନେ ଯେଉଁ ଆସନରେ ବସିଛନ୍ତି, ତାହା ମଧ୍ୟ ଆପଣଙ୍କର । ଏହାର ସମ୍ମାନ ବଞ୍ଚାଇ ରଖନ୍ତୁ ।
ଭିଡିଓ ସୌଜନ୍ୟ: ଲୋକସଭା ଟିଭି